[الشافعى الصغير]

 

الجمعة اليتيمة

كتب هيثم دبور
صاحى بَدْرى النهاردة
شدّيت ورقة نتيجة
الشهر فَرَط بسرعة
يوم الجُمعة اليتيمة
بادءة بحالة عزيمة
وبرغبة روحانية
ولعت بخور سودانى
متوصى عليه وصاية
ونزلت الخطبة باجرى
لابس جلابية بيضا
جيالى من الحجاز
حاطط فوقها العباية
سورى بتقفيل بلدها
والسبحة بين يمينى
عاج إنما إيه.. حكاية
والسجادة فى شمالى
يَدَوى.. والصُنع هندى
وفى وسط الخطبة بلقى
رنّ المحمول بتاعى
نَغَمَة للنقشبندى