[مع الله]

 

السلام عليكم ورحمة الله وبرركاته

كيفكن أخواتى
بعضكم عرفين مأساتى مع البيتزا جربت وصفات كتيرة لكن دايما العجينة مش بتطلع حلوة
لكن المرة دى العجينة طلعت فعلاااا ممتازة
والشكر موصول لأخت زوجى ربنا يكرمها هى اللى علمتنى الطريقة


المقادير :
4 ك دقيق
3م ك سمن
6م ك زيت
2 علبة زبادى
2 بيضة
ذرة ملح
ذرة سكر
1 وربع م ك خميرة
ماء دافئ للعجن


الطريقة :

اخلطى المكونات الباودر مع بعض (دقيق,خميرة,سكر,ملح)
وضيفي عليها باقى المكونات

واعجنى كويس جدا جدا جدا
سر نجاح العجينة فى العجن
لازم تعجبى كويس لحد ما تحسي ان العجينة مش بتلزق فى ايدك
بس مش تنشفيها
خليها طرية
وسبيها تخمر والمدة بتكون على حسب حرارة الجو

وبعدين افرديها فى الصنية وزينيها ودخليها فرن ساخن على درجة حرارة فوق متوسطة لو فرنك حامى
و درجة حرارة عالية لو فرنك مش حامى

وبالهنا والشفا