مسمن معمر بطريقة السندوش بسم الله الرحمن الرحيم والسلام عليكم يا أنقات هدا المنتدا الاكتر من رائع. نتمنا تكون بصحة جيدة.ليوم جبت ليكوم واحد طريقة ديال لمسمن معمر نتما ميكونش لموضوع مكرر. ونتمنا يعجبكم هاد لمسمن ممكن تدوهم معاكم فنزهات على بركتي الله نعطيكم المقادير للعجين:نصف كيلو دقيق لفورص .قليل من خميرة الخبز. ملح ماء دافئ مقادير الحشوة بصلة مشلضةـ نصف كيلو صدر دجاج مقطع رقيق أو كفتة ـ 2 فلفلات مقطعين مكعبات صغيرة ـ 2 جزرات محكوكين ـ زيتون أخضر مقطع ـ ملعقة كبيرة قزبور و معدنوس ـ 100 غ فرماج محكوك ـ ملعقة كبيرة طماطم مركزة ـ كأس صغير روز مسلوق أو شعرية الصينية مرطبة ومقطعةـ ؤيت ـ زبدة ـ ضامة البنة ـ ملح ـ سكين جبيرـ التحميرة ـ فلفل أسود ـ شوية دلحرقوم الطريقة: نعجنوا لعجينة و ندلكوها مزياااااان ونقطعوها كويرات صغيرة و نخلوهم يرتاحو وفهاد لوقت ندوز نحضرو لحشوة فمقلاة نديرو لبصلة مع شوية زيت ونخلوهم يتشحرو ونزيدو صدر دجاج مقطع رقيق او كفتة من بعد نزيدو لجزرـ لفلفلةـ قزبور ومعدنوس ـزيتون ـ تم لعطرية نخلو الكل يطيب تم نزيدو طماطم مركزة و روز مسلوق أو شعرية صينية نزولوها من فوق نار تم نضيف لفرماج محكوك نخلو لكل يبرد ونبدو نعمرو نطلقو لكورة ديال لعجين وندهنوها بزبدة مدوبة مع شوية ديال زيت تم نضع الحشوة في راس الوقة تم نبداو الطي ونخليكم مع الصور لتوضح أكتر من بعد ماسلينا ندهنوهم بزبدة وندخلوهم لفرن هاهما من بعد ما طبوا بصحةوراحة متنساونيش من دعاء الصالح والتشجيع لأن هادي أول مشاركة ليا وشكرا