[الشافعى الصغير]

 

كعب داير

كتب هيثم دبور
امبارح كان نوفمبر
وأول كان يناير
العمر ده كعب داير
مش عارف يستريح
والحلم اللى مروح
مطوى فى ورقة نتيجة
والواحد منا ماشى
منقوش على روحه «مصرى»
بيشيل الهم بدرى
ويجر سواقى ياما
ثابت على نفس حاله
وأما تقوم القيامة
برضه مشغول بيومه
طالع من ضيق هدومه
ثاير لكن فى سره
وأما بييجى ديسمبر
وينام على برد ليله
ويفكر فى اللى عمله
فى ١٢ شهر كامل
بيلاقى العمر سرقه
فيلملم باقى ورقه
وبيتغطى بهمومه
وبيدعى الله فى باله
يا رب الحالة تفرج