بارك الله فيكن اخواتى و جزاكن الله خيراً ححكيلكوا الحكاية بالتفصييييييييل و الله يا اخواتى كنت خايفة جدا بس الحمد لله استعنت بالله و ذهبت اللى حصل انى روحت على طول لسكرتارية الحجز و طلبت منهم استرداد فلوسى طبعاً مش هسيبهولهم لأن المبلغ كبييييير و كانت المفاجأة انهم قالولى لا مينفعش قلتلهم ازاى الكلام ده بعد اسبوع من الحجز قالولى لا بعد اسبوع من بداية الدورات بصراحة حسيت بإحباط جامد جدا حاولت معاهم كتير و هما مكانوش بيقولوا حاجة غير دى تعليمات و احنا منقدرش نغيرها تعبت اوى و طلبت منهم انى اقابل مدير المعهد او اى حد من كبار المسئولين اقدر اتفاوض معاه و تبقى كلمته مسموعة قالتلى روحى عند العقيد الفلانى فى المكان الفلانى بصراحة بقيت خايفة جدااا الدورات دى انا باخدها فى القوات المسلحة التعامل مع عساكر و ناس يخوفوا جمدت قلبى للأول مرة و روحت طلبت منه انه يسهللى انى اسحب فلوسى قالى الفلوس اتصادرت و ميينفعش بأى صورة من الصور انى استعيدها و كان مستغرب من اصرارى و يقولى ليه النقاب مشكلة كده معاكى احنا مش بنقولك اقلعيه خالص ده بس شيليه وقت المعهد و برة البسيه براحتك قلتلوا انا عندى استعداد ان اخت هى تشوف وشى (( تحقيق شخصية )) و ادخل بيه عادى قالى لا مينفعش لازم تشيليه خالص و انا اقولوا مينفعش و هو يقولى مينفعش لحد ما زهق منى و اتصل بالسكرتارية و قال لهم يسمحولى ادخل بيه طالما انا الوحيدة و فهمى العساكر كده 000 و خلاص انتهى الموضوع المهم ان القوات المسلحة مكنتش ممانعة موضوع النقاب قبل كده بس سبحان الله مش عارفة ايه اللى حصل السنة دى ......... الحمد لله و الله غالب على امره و لكن اكثر الناس لا يعلمون بقيت فرحااااااااااااانة جدااااااااا و لله الحمد رب اوزعنى ان اشكر نعمتك التى انعمت على و على والدى و ان اعمل صالحاً ترضاه