الملتقى الشرعي العام ما لا يندرج تحت الأقسام الشرعية الأخرى |
|
أدوات الموضوع | انواع عرض الموضوع |
#1
|
|||
|
|||
ابقى خلى عبادتك تنفعك
صلى ؛ وصوم ؛ وزكى ؛ وحج ؛ بس خلى بالك يا سيدنا ؛ انا هانصحك لوجه الله ؛ وهاعمل اللى عليا ؛ وانت حر
اصل الحكايه مش مجرد صلاة ؛ وصوم ؛ وحج ؛ دى بس الاساسيات اللى بيبنى عليها الدين ؛ ولكن كل اساس له فرع ؛ والفرع من الاساس ؛ فاذا كان الاساس قويا ؛ كان الفرع قويا ؛ ولا خوف حين ذاك استنى يا عم الداعى الله يكرمك ما تتوهناش ايه الاساس ؛ والفرع ؛ والكلام اللى انت بتتقوله ده ؛ احنا مش فاهمين حاجه ؛ بالراحه كده فهمنا ؛ تقصد اييييييييييه ؟ بص يا سيدى البنى ادم مننا يقول لنفسه خلاص هاتوب ؛ وهارجع بقى عن اللى باعمله ؛ وما عدتش هاكرره تانى؛ ويقعدله كده يومين حلو مع ربنا ؛ صلاه وتطوع ؛ وطاعه ؛ لكن على مين ؛ ابليس ها يسيبه فى حاله ؛ لا طبعا اول حاجه يبتدى يقوله : ايه الحلاوه دى ؛ ما شاء الله ؛ ده انت بقيت ميه ميه ؛ ويبتدى ينسيه ذنبه ؛ والانسان ما دام نسى ذنبه ؛ يبقى عليه العوض تانى حاجه : يبتدى يخليه يشوف عمله ؛ يخليه يشوف نفسه بيصلى ؛ وبيتطوع ؛ وبقى ملتزم ؛ والانسان ما دام ابتدى يشوف عمله ؛ يبقى عليه العوض تالت حاجه : يبتدى يوهمه ان ذنوبه كلها اتمسحت من خلال يومين العباده اللى اجتهد فيهم ؛ وان صفحته بقيت بيضا ؛ وده بيقوده الى الاطمئنان ؛ اللى بيقوده بالتالى الى التراخى فى العباده رابع حاجه : يبتدى يدخله بالرياء فى العمل ؛ والرياء طبعا وما ادراكم ما الرياء ؛ اخفى من دبيب النمل على الصخرة الصماء فى الليله الظلماء خامس حاجه : يبتدى يحسسه انه بقى من الاتقياء ؛ لدرجة انه لو شاف واحد بيعمل نفس الذنب اللى كان واقع فيه ؛ تلاقوه يعنفه بدون رحمه ؛ ويقوله انت ازاى تعمل كده ؛ وينسى تماما انه كان لسه واقع فى الذنب ما كملش حاجه كفاااااااااااااااااااااااااااااااااااااااااااااااا اااااااايه بقى ونيجى للجد علشان تعبد ربنا صح لازم تتحقق بالاتى : 1_ انك ما تشوفش عبادتك ابدا مهما كثرت ؛ ومهما زاد اجتهادك ؛ لان العباده والتفيق انما هو من الله تعالى كان احد الصالحين عندما يصبح يقول لتلامذته ؛ لقد صليت بالامس كذا وكذا ؛ وفعلت كذا وكذا ؛ فيقولوا له : يا شيخنا ؛ الا تخشى الرياء من هذه المباهاة ؛ فيقول لهم : وكيف اتباهى بعمل غيرى 2_ اطلب من الله دوما التوفيق الى ما يحبه هو ويرضاه 3_ هناك اشارات فى الكون من حولك وهى بمثابة الترمومتر الذى يقيس مدى صلاح علاقتك مع الله ؛ يجب عليك ان تفهم هذه الاشارات جيدا ؛ لانها من المترجمات التى تساعدك فى السير الى طريق الهدايه 4_ لا تامن فى وقت من الاوقات ان تعود الى ما كنت عليه ؛ واسال الله العفو والعافية دوما 5_ اياك ان تياس من اى ذنب تقع فيه 6_ احذر من نفسك ؛ فهى كالاسد اذا جاع ؛ فان اول من يفترسه هو صاحبه 7_ عليك بكتمان حالك يقول ابن عطاء الله السكندرى : ادفن نفسك فى ارض الخمول ؛ فما نبت مما لم يدفن ؛ لا ثمرة له
|
#2
|
|||
|
|||
السلام عليك ورحمة الله وبركاته
شكرا لك على هذا الطرح النورانى الموقظ المفيد .. الله الموفق والمستعان ....... .. .. برنامج البحث القرآني.rar .. http://www.4shared.com/file/93361775/f4511765/___.html .. .. إنقر هنا والله لن تندم .... http://www.forsanelhaq.com/ .. .. *************************** .. .. |
#3
|
|||
|
|||
الله المستعان
جزاكِ الله خيرا يا حبيبة ونفع الله بكِ نسأل الله الإخلاص في القول والعمل
|
#4
|
|||
|
|||
جزاكِ الله خيرا يا حبيبة ونفع الله بكِ
|
#5
|
|||
|
|||
اقتباس:
ونفع الله بكِ
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|