السلام عليكم ورحمة الله وبركاته
عذرا على التأخير وللأسف الان انا برضو مستعجلة :)
لكن هحاول أفيدك شوية وأبقى أكمل تانى ان شاء الله
أول حاجة استحضرى النية فى تحفيظ طفلك القران وحاولى على قد ما تقدرى تخلصى النية وبفضل الله ربنا هيكرمك وهيحفظ أسرع مما كنتى تتخيلى
2- سلاح الدعااااااااااء .. ادعى كتير كتير
3. التعليم بالقدوة زى ما قالت لك الحبيبة أم عمار .. لو شافك أدامه ماسكه المصحف وبتحفظى ومهتمة هيقلدك بدون تعب منك فى إنك تعلقيه بالمصحف
لى أخت فى الله كنت بحفظ أنا وهى قران سوا .. وكانوا بناتها بيشفونا واحنا فاتحين المصاحف وبنقرأ ,, فى يوم قالت لى تعرفى البنات كانوا بيلعبوا ايه امبارح ؟؟
قولت لها ايه ؟
قالت لى واحده عاملة ماما والتانية عاملة ...... وذكرت إسمى
وكل واحدة فيهم مسكت مصحفها وقعدوا يقرأوا :)
4- أوعى ابدااااااا تضغطى عليه عشان يحفظ .. لانه كده هيكره القران .. ولو جبتى حد يحفظه " محفظ أو محفظه " اوعى تجيبى له شيخ بيضرب " عشان القران ميرتبطش عنده بالضرب وبالتالى يكره القران ولا حول ولا قوة الا بالله وتكون العلاقة علاقة خوف مش علاقة حب للقران
5- شغلى قران كتير كتير كتييييييييير فى البيت " خصوصا جزء عم " وسيبى طفلك يلعب واوعى تقولى له " إسمع القران " .. شغلى القران وكأنك مش مشغلاه له بالمرررررة
اتركيها تلعب براااااحتها جدا بس والقران شغال وبصوت عالى وواضح بالنسبة لها " وياريت لو يكون المصحف المعلم اللى فيه صوت الأطفال " لأن الطفل بيحب يقلد الطفل اللى زيه
اعذرينى الان مضطرة أقوم ولكن لى عودى تانية ان شاء الله
معلش اتحملونى :)