اوعـــــي تنظفي الشقة قبل العزومة

[بسمة أمل]

اقتباس اكملي

سأكمل ان شاء الله

جزاكِ الله خيرا اختي نداء الجنة السلفية

[بسمة أمل]

اقتباس ماشاء الله جزاكِ الله خيراً موضوع هاااام ومفيد جدا جعله الله فى ميزانك مثبت

اللهم آمين

جزاكِ الله خيرا اختي ام عمر علي التثبيت ونقل الموضوع للمنتدى العام

واسأل الله ان تعم الفائدة للجميع

[بسمة أمل]

اقتباس جزاكي الله خيرا يا بسمة أمل , وربنا يكرمك في انتظار باقي الموضوع

بارك الله فيكِ اختنا الغاليه

جزاكم الله جميعا الفردوس الأعلى

اعود واقول مرة اخرى انا فقط ناقله للموضوع مع بعض التعديلات البسيطة فجزا الله خيرا من كتبته

[بسمة أمل]

شوفى ياستى بشوية تنظيم للوقت زى ماأتفقنا أصبح عندنا الآتى :-

مطبخ وحمام زى الفل على طول . سقف البيت والحوائط على طول نظيفه . شبابيك اللى يشوفها يقول

الجواب يبان من عنوانه. أبواب ولا بعد كده بتلمع من النظافه..... تعالوا نشوف الباقى السجاجيد لازم

تكون زى الفل ولو ماكانش كده بتكون بيئه مناسبه لامراض كتيير والعياذ بالله وخصوصا أمراض

الصدر . والموضوع برضه سهل جدا . لازم مهما كانت الأسباب تشفطى السجاده بالمكنسه الكهربائيه

واظن مافيش بيت مافيهوش مكنسه بلاش المقشه لانها بتنطر التراب فى كل حته وخصوصا رئتيك

عافاك الله كفايه المجهود والتعب نضر نفسنا كمان شفطى ياستى لو كل يوم وماتكسليش تطلعى

المكنسه علشان ستات كتير بتكون حطاها فى مكان تستسهل بدل ماتطلعها تكنس بالمقشه . انا بأقول

كل يوم للى عندها أطفال. لكن ممكن يوم المكنسه اليوم اللى بعده شوية ديتول وشويه ميه وبفرشاه

البلاط وانطرها من الميه اللى فيها وكأنى بأغسل السجاده وأتفضلى شوفى النظافه والريحه والرونق

بتاع السجاده والا أجدعها لاندرى.ومايمنعش على مدار اليوم لو حد وقع حاجه التقطها بالفرشاه

والجاروف. أنا عاوزه أأكد على حاجه مهمـــــــه وانتى بتشترى مواد التنظيف بلاش تبخلى على

نفسك بجوانتى محترم تلبسيه فى ايدك قبلها طبعا تدهنى ايدك بأى حاجه انا عايزة اسهلها عليكى ان

شاء الله شوية زيت أكل انا باتكلم بجد .ايدك اللى احنا بنستخدمها فى المشاق كلها من حقك على نفسك

وحق جوزك يشوفها فى منتهى النعومه. وعلى فكره انا قرأت فى مكان ما ان المنظفات بها مكونات

ممكن تجيب أمراض عافانا الله جميعا.

*يتبـــــــــــــــع ان شاء الله*

[بسمة أمل]

تعالوا على باقية الشقه. بأتمنى انى ماأشوفش المنظر ده مراتب وسجاجيد على سور البلكون

وبالمنفضه وهات يارزع. الخاسر الوحيد وبدون مكاسب هو انتى . قولتيلى ليه ؟ أقولك ياستى ....

أولا:-ايدك ودراعك هايتخلعوا. والتراب اللى حضرتك عامله تتطلعيه من السجاجيد والمراتب

وبأخص بالذكر المراتب علشان احنا اتكلمنا على موضوع السجاجيد وحلينا المشكله. التراب ده كل

اللى بتعمليه انك بتعيدى توزيعه مره أخرى وأنتى من نصيبك الكمية الكبرى وطبعا على الرئه

والجهاز التنفسى جرى! طيب ليه وأنا عندى الحل . المكنسه الكهربائيه اغسلى الكيس كويس أوى قبلها

بيوم هاتلاقى قوة الشفط ماشاء الله . تمشى بيها على المرتبه فى جميع الاتجاهات طول وعرض وورب

لغايه لما تحسى ان المكنسه طالت كل سم (سنتيمتر) . وبعدين ربنا يعينك وأقلبيها على الوش التانى وأبقى

قوليليى على اللى طلع منها. الحكايه دى لو عملتيها كل شهر شهرين علشان احنا أثناء النوم فى شعر

وجلد من أجسامنا وممكن أظافر كل ده بيكون فى الفرش بيكون حشرات غير مرأيه و التراب كمان

بيسبب نوع من الحساسيه وأحيانا والعياذ بالله ربو. وعلى فكره ممكن تعملى المخدات كما لو قطن .

أما المفروشات ياريت كلما أمكن تتغسل كل فتره. أنا عايزاكم تحكموا قبل ماأكمل ممكن بعد الأسلوب

ده المرتب والمنظم أستنى رمضان او العزومة و أقلب البيت رأسا على عقب؟.

*يتبــــــــــــــــع ان شاء الله*

[بسمة أمل]

تعالوا نكمل ...... أكيد وأحنا بنشفط المرتبه ونقلبها الناحيه التانيه لاحظنا ان فيه حاجات تحت السرير

مايمنعش نظرا لعدم وجود أماكن تخزين كفايه . بس عايزه أقول حاجه موش علشان اسمها تخزين

تبقى شكلها موش عاطفى لأ أحنا زى ماقولنا ممكن نعمل من الفسيخ شربات . ازاى ؟ أقولك أهم

حاجــــــه أتعامل مع كل سم (سنتيمتر) فى البيت كأنه مكان ظاهر على طول قدام عينى يعنى تحت

السراير لازم كل فتره أشيل الحاجات كلها وأمسح برضه يالديتول وأسيبها شوية تتهوى وبعدين أرجع

الحاجه تانى بس ياشطوره لو فيها تراب طبعا أنظفها ولو موش مترتبه وأكون عارفه ايه اللى محتاجه

بالظبط موش كركبه على الفاضى. وياحبذا لو فرشتى مثلا على الأرض ملاية قديمه ونظيفه طبعا

وأحط الحاجات عليها على أعتبار ان هذا الاشياء مثلا أغطية الشتاء كل لحاف أو بطانيه فى الكوفر

بتاعه اللى جاى بيه ويترصوا بطريقه مرتبه علشان المكان يكفى وفوق كل ده ملايه أخرى. على فكره

دون أن ندرى لو تحت السرير فيه كراكيب حتى لو موش شايفه بتكون موجوده فى عقلك الباطن

وممكن تصابى بالأرق والصداع أو التوتر اللى ساعات مابيكونش عندنا سبب ظاهر له. أنا باديلك

أمثله وأفكار فقط وانتى عليكى تتطوعى ده يما يناسبك.


جينا بقي للدواليب عند بداية كل موسم صيفى أو شتوى خاليكى واقعيه مع نفسك الحاجات اللى انتى

متأكده انك موش هاتستعملها انتى أو أولادك غيرك أولا بيها .. الأستفاده مضاعفه روقتى مكان

وشعرتى براحه نفسيه وموش هاأكلمك عن الراحه النفسيه الأخرى اللى هاتحسى بيها لما الحاجات دى

تروح لناس هم فى أشد الحاجه اليها وماأكثرها.

*يتبـــــــــــــــع ان شاء الله*

[بسمة أمل]

طيب . هو أحنا هاننسى أهم حاجه فى الشقه . الصالون والأنتريه والسفره.(موش ملاحظين ان

كل مانروح لاى ركن فى البيت أقول اهم مكان فى البيت) أنا بصراحه قاصده كده لأن مافيش

ركن ولا سم (سنتيمتر)فى البيت أقل أو أهم من الآخر. كله على نفس الدرجه من الاهميه... ياللا

نبتدى . كراسي الانتريه والصالون والسفره. تشفطيها كويس بالمكنسه الكهربائيه ومعاها الفرشاه

الصغيرعلشان الأركان الضيقه. بعد كده شويه ميه عليهم نقطتين صابون(بصراح أنا بأستعمل

شامبو مخصوص لللأنتريه وشامبو للسجاد) بس اى حاجه بتؤدى المهمه . ونجيب فوطة حجمها

صغير يعنى مقاس فوط التواليت علشان تعرفى تملكيها وأبلها فى هذا المسحوق وأعصرها كويس

وأدعك قماش الكرسى بس خاليكى حريصه وعلى حسب نوعية القماش علشان مايتقطعش. المهم

فوطه تانيه وتكون ميه بس وأعصرها كويس وأعمل نفس الموضوع أدعك الكرسى علشان

الصابون مايسبش أثر. معلش استحملينى فوطه كمان جافه وأعيد على الكرسى علشان أمتص أى

ميه موجوده. ولوالشباك يكون مفتوح علشان الكراسى تتهوى. وأبقى قوليلى الميه أصبح لونها

ايـــــــه؟.... الخطوة اللى بعد كده بالبليدج وتلمعى الايدى الخشب كويس . اذا كان الكراسى فيها

اويما وبتلم تراب. قبل ماتعملى القماش هاتى فرشاه أسنان قديمه ونظفى النتؤات اللى فى الخشب

وبعد كده أعمليها بالبليدج.

*يتبــــــع ان شاء الله*

[حفيدة الحميراء]

مـــــــاشاء الله وفقكِ الله حبيبة قلبي

[بسمة أمل]

جزاكِ الله خيرا اختي الشهيدة

[بسمة أمل]

الأجهزه الكهربائيه يجب تنظيفها برضه زى اى حاجه فى البيت. خدى عنك مثلا السخان سواء كهرباء او غاز مين بتفتكر ان السخان ده لازم يكون زى الفل ويتغسل بالماء والصابوه ويكون على طول زى الفل. شفاط المطبخ بلاش يوصل لمرحله يبقى تنظيفه صعب يعنى برضه أول بأول ممكن افكه وأحطه فى الحوض وشوية ميه سخنه وشويه كلور وصابون وسيبيه ساعه ساعتين على ماتخلصى أى حاجه فى ايدك وبعدين اغسليه ونشفيه ويتركب(أنا بصراحه بأحطه فى غسالة الأطباق بيطلع فله). الكمبيوتر وجميع الأجهزة الكهربائيه لازم تكون زى الفل وعلشان التراب أنا جايبه بلور زى بتوع الكهربائيه بأستعمله فى طرد التراب من الأجهزة مع الحرص الشديد فى التعامل مع كل جهاز. الخلاط والكبه والمفرمه وكل الأدوات الكهربائيه الخاصه بالمطبخ لازم تكون زى القشطه. .المكنسه الكهربائيه موش معنى انى بأنظف بيها يعنى بلاش أنظفها.بصراحه أنا بيجيلى أكتئاب من الحاجه اللى موش نظيفه . النجف برضه ينطبق عليه نفس البرنامج ميه بخل وفوطه صغيره وألمع .كلنا فى بيوتنا فى براويز معلقه لازم كل فتره أمر عليها بفوطه مبلله ومعصورة كويس . مفاتيح الكهرباء يطرف الفوطه وأشيل التراب الموجود على الحافه بتاعتها وأنظف المفتاح نفسه ولكن بحرص شديد علشان الكهرباء وممكن الحائط اللى حوالين المفتاح علشان المنظر ده موش حلو خالص.

ملحوظه مهمه جدا كل الناس بتتعامل مع الكمبرسور بتاع التكيف اللى راكب بره انه مايخصهاش ده يخص شركة التكيف. مين قال كده أنا بأغسله وأنضفه وبالميه والصابون والبلور برضه. ولما يجى الشتاء أعمله صيانه أقصد نظافه كامله وأضع الغطاء اللى برضه بيكون زى الفل يعنى فى الشتاء بأغسل الغطاء وهو راكب فى التكيف. والله أحساس تانى لما تلاقى الدنيا حواليكى نظيفه والموضوع ممكن بالنسبه لبعض الستات يكون صعب بس فأوله. بعد كده مع التعود هاتستغربى انتى ازاى فى اليوم الوحد بتقدرى تعملى فيه الحاجات الكتير دى.

*يتبع ان شاء الله*