سؤال بنتسأله كتير والاجابة غالبا الحمد لله بصلى وعارف ربنا الحمد لله أنا متدين أو نفسى اوى فى واحد متدين وعارف ربنا ايه يعنى متدين وايه مقياس الدين عندنا والمتدين ده بيعمل ايه وعامل ازاى والحكم عليه ازاى موضوع غايه فى الاهميه صح؟؟؟؟؟ اكيد صح خلينا نقول اولا الحديث المشهور بتاع الرسول اذا جائكم من ترضون دينه وخلقه فزوجوه الا تكن فتنة وفساد عظيم دينه و ايــــــــــــــــــــــــــــــــــــه؟؟؟ وخلقه دى اول ميزة من المتدين الاخلاق ودى نقطة مهمه جداااااااااااا ناس كتير بتتغاضى عنها يعنى مثلا لما أشوف ولد خارج من المسجد معنى ده انو متدين ؟؟؟؟؟؟؟؟ معناه انو بيصلى مش انو متدين لما اشوف واحد ملتحى معناه انو متدين؟؟؟؟؟؟؟ معناه انو ملتحى وعامل سنه عن الرسول صلى الله عليه وسلم لكن مش معناه انو متدين اه ده هيثاب على صلاته فى المسجد وده هيثاب على انو عامل سنة وهى اللحيه لكن ده مش معناه انهم متدينين
الدين
مش مظهر بس ولا عبادات بس ولا اخلاق بس ولا نجاح فى الحياة بس ولا تعاملات بس (صلو عليه لاما.............) يعنى لما واحد بيتعامل كويس جدا مع الناس ومبيشتمش ومش عصبى ومبيغضبش معناه انو اخلاقه عليا جدا لان معاملاته عليا جداااا كده يبقى حقق شرط المعامله لكن محققش شرط الدين يبقى الجمله دى غلط الدين= المعاملة (اعتراض على الدين معامله)
لكن
المعامله جزء من الدين كده صح تمام كلنا بقى مفيش ولا حاجه تغنى عن حاجه يعنى المتدين باختصار يعمل العبادات الفرائض ثم قدر المستطاع من السنن وياريت كلها + يبقى نضيف وشيك ومش مبهدل النظافة من الايمان
كان رسول الله بيعرفو انو جاى من ريحه المسك بتاعته
وشاف الرسول مرة واحد شعره مبهدل قاله
من كان منكم له شعرا فليكرمه وشاف مرة واحد له كرش قاله (ياليت هذا فى غير هذا )
+
يبقى ناجح جدا فى حياته ومميز لانو كدا هيبقى مسلم قدوة ولان الرسول قال (اذا عمل احدكم عملا فليتقنه)
و قال كمان
( ان الله يحب معالى الامور) + ويبقى اخلاقه عليا جدا ازاى اقلكو ازاى لا يكذب لا يتجمل وكمااااااااااااااان بيبتسم مش مادد بوزه شبرين كان رسول الله بساما
ولازم يكون المتدين
كاتم للغضب
بيعامل الناس كلها كويس
مش بيزعق فى بيتهم وصوته قد كده
واول مينزل ويلاقى بنت امورة كده واقفه وشايله شنطة تقيله
هيعمل نفسه هيرو وجنتل مان ويشلها الشنطة لااااااااااااااااا كان اولى ميزعقش لمامته قبل ميتنزل حتى لو اهلو مش عجبينو وظلمينو لانو مسلم هيبرهم عشان عارف ان رضاهم عليه جزء من رضا ربنا ولانو مش هيبقالو خير فى حد
لو مبقالوش خير فى اهله
ولان المسلم
عامل زى النجمه اللى ماشيه على الارض
واهم حاجه لا يغضب طبعا مش عمال على بطال ده ميغضبش وقت الغضب وقت لما حد يشتمه وقت لما يتظلم ده المسلم القوى بقى اه الكلام كبير اوى ومحدش بيعمل كل الحاجات دى بس بنحااااااااااااااول + يعمل حاجه لدينه او للمسلمين بيروح ملجأ يكفل يتيم بيزور المستشفيات بيعمل عمل خيرى خير الناس انفعهم للناس سواء لوحدو او فى جروب ويفضل فى جروب الرسول من حياته اتعلمنا انو كان دايما فى جماعه ووصانا ع الصحبة الصالحه
واصبر نفسك مع الذين يدعون ربهم بالغداة والعشى
+ وكمان المسلم لازم يكون بيعرف ( يكلم كل قوم بلغتهم)
يعنى مينفعش اجيب واحد شاب ملوش فى اى حاجه خالص ولا دنيا ولا دين ولا اى حاجه واجى اقلو انت ولا حاجه او اكلمو بالفصحى الدليل بتاعى لما الرسول جه يعرض الاسلام على الملوك بعت الرسائل بتاعته كل ملك بلهجته وعشان كده لو اطلعنا على الكتب دى هنلاقى فيها كلام احنا مش عارفينه او كلام مش عربى لو كنت فظا غليظ القلب لانفضو من حولك + المسلم مش متعصب لاى ملة ولا اى حزب ولا اى فريق كورة ههههههههههههههههه سورى اصل فعلا بيحصل مجازر هنا وخصوصا لو الاهلى بيلعب مع الزمالك المهم الرسول كان لا يغضب الا لدين الله وكما كان بيتعامل مع اليهود والنصارى بتهيألى كلنا عارفين حكاية جاره اليهودى والدرع اللى كان راهنها عند يهودى يبقى المسلم ايه
مش متعصب + لو اعدنا نتكلم عن صفات المسلم للصبح مش هنخلص بس هختم بحاجه صغيرة ان الدين مجاش عشان يخنقنا بس احنا اللى خنقنا نفسنا بنفسنا دنت لما تتفكر ساعه كأنك اقمت الليل يعنى ربنا قالنا نتفسح ونروح ونيجى بس منعنا من الحاجت اللى هتضرنا وعملنا من كل حاجه حرام الحاجه الحلال بتاعتها عايزين نبقى مسلمين متميزين قدوة لا نخشى الا الله سوبر ستار مش منعين نفسنا من نعم الدنيا فأما بنعمة ربك فحدث
بس بنمنع نفسنا م الحرام بس عايزين يبقى شعارنا عشانك يارب
قال رسول الله صلى الله عليه وسلم :
( ما من أيام أعظم ولا احب إلى الله العمل فيهن من هذه الأيام العشر فأكثروا فيهن من التهليل والتكبير والتحميد )
فلنجتهد في استغلالها عسى الله ان يغفر لنا ويرحمنــــا ,,*
جيلى عريس متدين...!!
العرض العادي
