لحشوة
بصل مفروم لحمة مفرومة نعنع يابس ملح بهارات مشكلة ملعقتين كبار طحينة وملعقتين دبس الرمان وملعقة لبن
مندبل البصل ومنزيد عليه اللحمة المفرومة لما بتستوي منزيد باقي المواد منقلب قلبتين ومنطفي النار تحته
الصنوبر مننقعه بالماء البارد قبل بساعتين او تلاتة بيتضاعف حجمها وبتصير ما بتحترق بالفرن ولا تخافي بتحمر لان الصنوبر فيه مواد زيتيه فما في داعي لتحميره بالسمنة (مجربة ) اتركيه للاخر لا تضيفيه للحشوة
المقادير
(نستعمل نفس الكاس للمقادير) 7
كاسات طحين ( دقيق)
1 كاس زيت مازولا او اي زيت نباتي
ملعقة صغيرة ممسوحة من السكر
وملعقة صغيرة ملح
من 2-3 كاس ماء فاتر يستخدم للعجن
وحسب الحاجة طبعا العجن بيتم بالطريقة المعتادة بس كل ما عجنتي اكتر
وطولتي المدة ، كل ما بتكون احسن منترك العجينة ترتاح مدة ساعة تقريبا لانها من دون خميرة لحد ما تتضاعف حجمها ومنشتغل فيها.
منعمل كور من العجين بحجم البيضة الصغيرة ومنحط الكور بالزيت مش كتير بس تغلفيها
ومنتركها نص ساعة ترتاح ممكن تحطيها بالطحين كمان نفس النتيجة (مجربة )
منفرد الكور باليد بتبليل يدك بالزيت والمسح على الدائرة لحد ما توسع
وطبعا السطح اللي عم تشتغلي عليه لازم يكون ممسوح بكمية معقولة من الزيت
حتى تفرد العجينة بسهولة معك وهيك بتبقي عم تكبري العجينة لحد ما تصير رقيقة جدا متل الصورة (ولو تمزقت معك ما في مشكل لانو انت رح تطويها عدة مرات )
وكل ما بترتاح بتقدري ترجعي تطويها لمربع جديد او مستطيل اللي بيعجبك
انا عدت الطي اربع مرات وممكن اكتر لان العجينة كتير لينة وكل شوي بترتاح بتقدري تعيدي الطي بتصير العجينة رقاقات كتيرة
بالعافية
لحم بعجين
العرض العادي
