السلام عليكم
يمكن كلامى ميعجبش اناس كتير بس كلمتين فى رقبتى ولازم ابلغهم
كتر الكلام فى موضوع النقاب والامتحانات والمنع
الشيخ هانى ربنا يكرمه نزل رسالة ولسه الناس بتتكلم هنعمل ايه ؟
خلاص معظم الاخوات اقلموا نفسهم انها هتقعد فى البيت وان هو ده الحل
وهتسيب الدراسة بس مش هتتنازل عن النقاب
خلاص بقا هو ده ظنك بربنا ؟
انك هتتحطى فى موقف انك تخلعى النقاب فهتسيبى الدراسة
طبعا ممكن حد يقولى انى عايشة فى عالم تانى
انتى مش سامعة اللى بيحصل ؟
لا يا اختاه سامعة وفاهمة وطالبة ومنتقبة بفضل الله
المعظم يقول مش هنلبس الكمامة
وانتى خلاص اقلمتى نفسك انك هيقلولك اقلعيه فمش هتلبسى الكمامة وهتقعدى فى البيت
بالله عليكى يا منتقبة
هتسيبى الجامعة لمين ؟
للمتبرجة ولا النصرانية ؟
كام واحدة انتقبت ممكن متكونيش تعرفيها لما شافتك ؟
ليه حطيتى فى دماغك انك خلاص يا هتقلعيه يا هتسيبى الجامعة ؟
طبعا كلامى حيرك
ودلوقتى مش عايزة تسيبى الجامعة لانك على ثغر دعوى ودراسة تبتغى بيها وجه الله
وفى نفس الوقت مش هسيب نقابى ولا هلبس الكمامة
اعرفى بقااااااااا
انها ليس لها من دون الله كاشفة
احسنى ظنك بالله انك مش هتتحطى فى موقف انك تقلعيه ولا هتسيبى دراستك علشان المتبرجة تاخد مكانك
ليه ظنك بربنا سيء
محتاجين المنتقبة المتفوقة
ليه ركنتى بقلبك انك هتسيبى دراستك
بالله عليكى بتدعى كل صلاة ؟
وقت السحّر بتدعى وبتبكى او حتى بتتباكى ؟
ولا خلاص هنقعد كلنا ؟
ليه مناخدش بالاسباب
مش ربنا قادر ان الدراسة تتأجل مثلا او تتلغى
ليه متوقعة الاسؤ؟
وذلكم ظنكم الذي ظننتم بربكم أرداكم فأصبحتم من الخاسرين
ليه بتحسبيها 1+1=2
ليه مش سايبها على ربك يبدبرهالك
عايزين نبطل كلام شوية ونبطل تفكير ونرمى قلبنا على الله
علقى فى غرفتك ليس لها من دون الله كاشفة واقعدى ادعى
ونحسن الظن ونتوكل على الله حق توكله
مش هو اللى ستر وجهك وقادر انه ميخلكيش تبينيه
اسمعى ده
اتركها على الله http://www.manhag.net/droos/details.php?file=391
عارفة قصة سيدنا هاجر لما سيدنا ابراهيم تركها وولدها فى الصحراء
وقالت : آلله أمرك بهذا؟
فرد سيدنا ابراهيم :نعم
فقالت اذن لن يضيعنا
لما عطش ابنها إسماعيل عليه السلام: .. فصعدت هاجر الصفا، فنظرت فلم تر شيئا،
ثم أتت المروة فنظرت فلم تر شيئا، ثم رجعت إلى الصفا فنظرت فلم تر شيئا،
حتى فعلت ذلك سبع مرات،
فقالت: يا إسماعيل مت حيث لا أراك،
فأتته وهو يفحص برجله من العطش،
فناداها جبريل، فقال لها: من أنت؟ فقالت: أنا هاجر أم ولد إبراهيم.
قال: إلى من وكلكما؟ قالت: وكلنا إلى الله. قال: وكلكما إلى كاف،
قال: ففحص الأرض بأصبعه، فنبعت زمزم، فجعلت تحبس الماء. فقال: دعيه فإنها رواء.
شوفتى التوكل
هتفُرج والله من حيث لا ندرى
بس ميبقاش ظنك بربنا انه هيضيعك
هنخرج من الازمة دى ان شاء الله بنقابنا ويقينا عالى وحسن ظن عالى جدا
ابتلانا ليُهذبنا لا ليُعذبنا
عايزين نبطل كلام
كل واحدة تقفل على نفسها وتبطل كلام الا لثبيت من حولها
وتقول انى آوي إلى ركن شديد
هندعى ونبتهل لله انه يرفع الازمة
وبحسن ظن هنذاكر وهنجتهد وهنطلع الاوائل ان شاء الله
وهنطلع من الازمة بالنقاب واننا نبقى من الاوليات ان شاء الله
ونجدد عزيمتنا اننا هنفيد الدين بتعليمنا
اضعف الايمان اننا هنبقى مؤمنات قويات ومش اقل من اللى حوالينا
افتكرى ان احلك او اشد ساعات الليل ظلمة هى الساعة الى قبل الفجر يعنى قبل النور
هتفضل الازمة تضيق علينا لحد ماتفُرج من وسع ان شاء الله
افتكرى ان من اسماء ربنا النصير اللى بينصر اولياؤه
افتكرى ان قلوبهم وارواحهم بايد مين ؟؟؟
اليس الله قادر ان القرار يتلغى او يحول قلوبهم الى ما يحب ويرضى ؟
بالله عليكى تعرفى كام واحدة انتقبت والاهل كانوا رافضين اشد الرفض
وفجأة ووافقوا
مش ربنا قادر على ده ؟
احسنى الظن به وحده
احنا مش خسرانين حاجة احنا معانا من خلق السماوات والارض
بس محتاجين توكل عليه واخذ بالاسباب ودعاء
عايزين شغل مش كلام
التوكل عمل وليس كلام
يا منتقبة .. اتركيها على الله
العرض العادي
