|
|||||||
| الملتقى الشرعي العام ما لا يندرج تحت الأقسام الشرعية الأخرى |
 |
|
|
أدوات الموضوع | انواع عرض الموضوع |
|
#1
09-15-2011, 08:42 AM
|
|||
|
|||
يوميات فلانة وعلانة
أختي ....إنتِ.... أيوة إنتِ...عاملة إيه؟ بكلمك أيوة.. تعرفي فلانة وعلانة مش كدة؟ متعرفيهومش؟!  طيب أمري لله تعالي أعرفك بيهم بس بشرط لااااازم تتابعيهم أنا بقولك اهو وأنتظرونا مع الحلقة الأولى من يوميات فلانة وعلانة  (الحلقة الأولى) فلانة :السلام عليكم ورحمة الله وبركاته. علانة:وعليكم السلام ورحمة الله وبركاته فينك يا بنتي مش باينة ليه اليومين دول..؟ فلانة : مشغولة جدا جدا , وده اللى عيزاكى فيه. علانة: خير يا ستي شكلك عايزة تشغيليني معاكي. فلانة : لسة يا بتني لحد دلوقت مشتركتيش فى حزب النور؟! علانة :حزب ..ممممم!..كلمة حزب دي يعنى سياسة مش كدة ؟ !..لالالالاااااا إنسيني مالي أنا ومال السياسة خليني أحسن جمب الحيط , من البيت للجامع ومن الجامع للبيت. فلانة:حيط إيه وسور إيه إنتي فاكرة نفسك لسة فى عصر مبارك؟!.., الكلام ده يا بنتي كان من 30 سنة لما كانت السياسة سمك لبن تمر هندي لكن الحمد لله دلوقت مصر بتتغير وانا وانتي لازم يكون لينا دور فى التغيير والإصلاح. علانة: مش عارفة مش حاسة انى مقتنعة بكلامك, مش حاسة ان بلدنا حتتغير. فلانة: لأ بتتغير..وحتتغير..وبعدين يا بنتي إنتي لسة قايلة أهو من البيت للجامع يعنى الحمد لله أبسط حاجة محدش دلوقت يخاف يدخل المساجد. علانة: مممم مش عارفة. فلانة. (ضاحكة),علطول مقفلاها كدة ..بت يا علانة أنا شاكة فيكي شكلك من الفلول. علانة: ( تبادلها الضحك ) لا فلول ولا فلافل , المشكلة بس ان فى حجات كتير مش فهماها, وحاسة انى تايهة, والدنيا مضلمة أدامي. فلانة: متقلقيش يا ستي حنمشي واحدة واحدة مع بعض على طريق النور... يتبع إن شاء الله..  
|
|
#2
09-15-2011, 08:05 PM
|
|||
|
|||
فى حجات كتير مش فهماها, وحاسة انى تايهة, والدنيا مضلمة أدامي.
جزاكم الله خيراً
|
|
#3
10-03-2011, 02:14 AM
|
|||
|
|||
|
[CENTER][color=#000080]الحلقة[/color][color=#000080] الثانية[/color]
 فلانة :السلام عليكم. علانة: وعليكم السلام ورحمة الله وبركاته, ..يا أهلا وسهلا..ده البيت نور. فلانة: ده نورك.. إنتي عاملة إيه؟ علانة : الحمد لله بخير ..مكملناش كلامنا . فلانة : مأنا قولتلك حفهمك كل حاجة لحد منوصل سوا للنور. علانة: طيب ندخل فى المفيد ..في حاجات كتيرة عايزة أفهمها وهى دي اللي مخلياني مترددة أشارك فى الحزب. فلانة: زي إيه يا ستي؟ علانة: مثلا...بسمع ناس بتقول " لا دين في السياسة ولا سياسة في الدين " ومش فاهمة الكلام ده معناه ايه فلانة: الكلام ده طبعا غلط جدا ...واللي بيقولوه هدفهم فصل الدين عن الدولة وبيعلنوا صراحة في إعلامهم إن الدين عبادات بس وإن المعاملات الدين ملهوش دعوة بيها , يعني من الآخر عايزين شرع ربنا يطبق بس في المساجد , عبادة وخلاص , صلاة وصوم وقراءة قراءن وبس , أما المعاملات فالدين ميدخلش فيها والحدود والأحكام فدي بقى كانت أيام النبي والصحابة والدنيا دلوقت اتطورت. علانة: كلام غريب جدا. فلانة: تمام ...طيب أسألك أنا سؤال. علانة: اتفضلي. فلانة: هو ربنا أنزل الشريعة لمين لرواد المساجد فقط؟ علانة: لأ طبعا ..أي إنسان على الفطرة فاهم إن شرع ربنا لازم يخضع له الجميع. فلانة: الله ينور عليكي ..ومفيش فرق بين الفرد و المجتمع , علشان برده حتسمعي ناس تقول إن الدين علاقة خاصة بين العبد وربه , وهو حر يطبق شرع ربنا بينه وبين نفسه لكن ميلزمش المجتمع بتطبيقه , يعني في نظرهم المجتمع ككل مش مطالب بتطبيق كل الشريعة. علانة: علانة علشان كده بنسمع ناس بتعترض على بعض الأحكام بحجة المصلحة العامة زي الربا مثلا بيحللوه بحجة المصالح الاقتصادية. فلانة:أيوه فعلا..مع إن شرع ربنا صالح لكل زمان ومكان وأحكام الشريعة نزلت علشان تنظم حياة الفرد والمجتمع , وتصلح الفرد وتحمي المجتمع من الانحراف , علشان كده الإسلام دين ودولة مينفعش أبداً نفصل بينهم , الشريعة نزلت تحكم العباد و البلاد. علانة: أنا كده فهمت النقطة دي. فلانة: طيب الحمد لله , علانة : بس لسة في موضوع محيرني, فلانة : طيب إيه رأيك نأجله للمرة الجاية , يلا يا ستي أستأذن أنا.. السلام عليكم. علانة : وعليكم السلام ورحمة الله وبركاته.
|
|
#4
10-03-2011, 02:21 AM
|
|||
|
|||
|
[b ] الحلقة الثالثة [/b]  علانة : السلام عليكم ..الحمد لله اني لقيتك. فلانة: وعليكم السلام ورحمة الله وبركاته, خير يا بنتي في إيه؟ علانة: مكملناش كلامنا المرة اللي فاتت , وفي موضوع محيرني ومتغاظة جدا لأني باسمعه من ناس كتير اليومين دول. فلانة: إيه هو يا ستي ؟ علانة: ناس كتير بتتهمنا وبتقول كنتوا فين من قبل الثورة ؟ فلانة: يعني إيه كنا فين مش معقول كنا لابسين طقية الإخفا..طبعا كنا موجودين وسط الناس فى الشوارع بنأدي واجبنا تجاه المجتمع وكانت لينا أنشطة كتير من دعوة وتربية وخدمات إجتماعية ..وحتى أيام الثورة نفسها شبابنا بفضل الله كان مشارك من البداية وفي أصعب أيامها كانوا بيقوموا بحماية الناس وتأمينهم والكل بيشهد لهم إنهم في الوقت اللي كان التجار بتحتكر السلع كانوا بيوفروا للناس لقمة العيش بأقل الأسعار وأحيانا مجانا. علانة: أه فعلا عندك حق والكلام ده كلنا شوفناه على أرض الواقع . فلانة: غير اننا قبل الثورة الناس كلها كانوا عارفين كنا فين ..زى مكانوا عارفين كل اللي كان بيقول كلمة حق كان بيروح فين..والحمد لله ربنا بين ده لكل الناس وشافوا تحت مقرات أمن الدولة سجون سرية ياما مات فيها شيوخ وشباب. علانة: فى اتهامات كتير بتتوجه لينا ملهاش أي أساس ..عندك كمان ناس كتير بتتهمنا وتقول كنتوا زمان بتجرموا السياسة ودلوقت حلوة السياسة وشغالين فيها بكل طاقتكم..مش فاهمة النقطة دى. فلانة: بصي يا ستي ..أولا أى علم فى الدنيا له جانب نظري وجانب تطبيقي ,والسياسة كعلم ليها جانب نظري وجانب تطبيقي اللي هو معناه الممارسة الفعلية للسياسة,فب الجانب النظري للسياسة إحنا كنا وما زلنا عندنا أحسن منهج سياسي فى العالم كله اللي هو السياسة الشرعية المستمدة من السنة النبوية وعصور الخلافة الإسلامية , وكمان المجال واسع للإجتهاد فى العلم ده حسب المصالح والمفاسد يعنى ببساطة الإحتهاد ده بضوابط الشريعة. علانة: كلام جميل..طيب والجانب التطبيقي. فلانة: الجانب التطبيقي اللب هو الممارسة الفعلية للسياسة هي دي المشكلة..الشعب المصري كله كان عارف إيه اللي بيحصل من 30 سنة أو أكتر ,كلمة سياسة كانت مرادف لكلمة تزوير,تلاعب,محسوبية,والناس عارفين كويس المسرحيات الهزلية بتاعة إنتخابات مجلس الشعب والشورى ,إزاي كان ممكن نشارك فى انتخابات كانت محسومة من البداية لصالح ناس بعينهم كان مطلوب ينجحوا بأي طريقة بالتزوير , بالرشاوى, بالوسايط ,ولو سمحوا لأصوات إسلامية بيدوهم عدد لا يذكر ومقاعد ملهاش لزمة. علانة: عندك حق فعلا. فلانة: لا ولسة النكتة الكبيرة إنتخابات الرئاسة , النظام السابق كان بيتخلص من أى خصم يقف أدامه بأي طريقة , والمصيبة أنها تتوصف بإنتخابات نزيهة وتسودها الشفافية والكلام الفارغ ده اللي لا يودي ولا يجيب , لا وإيه نسبة نعم كانت تكتسح الصناديق ، وتلاقي فى كشوف الناخبين أسامي ناس ماتت من أيام توت عنخ أمون ,لا مش كدة وبس , النظام السابق كان لا يمكن يسمح أبدا بمجرد تطبيق السياسة الشرعية لأنه عارف كويس جدا إنها ضد مصالحه. علانة:كلام فارغ ..كانوا فاكرين انهم بيضحكوا على الشعب لكن كانوا بيضحكوا على نفسهم, علشان كدة بقى ناس كتير بتقول اننا كنا معتزلين السياسة. فلانة: لا مينفعش نقول اننا كنا معتزلين السياسة ومجتنبنها بالكامل إحنا كنا مجتنبين المشاركة فى اللعبة البرلمانية لأنها كانت لعبة فاسدة , لكن مفيش أمر سياسي كان بيخالف السياسة الشرعية يعني يتعارض مع الشريعة إلا وكان لينا فيه موقف واضح ,كان لينا موقف تجاه كتير من السياسات زى سياسة الإعلام والتعليم والصحة وغيرها, والناس كلها عارفين اننا عيشنا طول عمرنا نأكد ونقول " إن الحكم إلا لله " وكتير من شيخونا وشبابنا دفعوا حياتهم تمن ليها . علانة: كلام جميل أنا كدة فهمت . علانة: أكيد حسمعها. فلانة: أسيبك تسمعيها ونكمل كلامنا بعدين أستأذنك,السلام عليكم. علانة: وعليكم السلام ورحمة الله وبركاته
|
|
#5
10-08-2011, 08:05 AM
|
|||
|
|||
|
علانة : السلام عليكم
فلانة : وعليكم السلام ورحمة الله وبركاته علانة : فعلا مقطع الشيخ عبد المنعم رائع جدا فهمت حاجات كتير من خلاله بس لسه عندي أسئلة كتيره فلانة : وإن شاء الله عندي إجاباتها ؛ اسألي يا ستي علانة : مش فاهمة بقى ليه اتكونت أحزاب سياسيه اسلاميه فلانة : بصي حواليكي كده هتلاقي تكتلات كتيره أوي لأحزاب سياسيه ليبراليه وعلمانيه معاديه لكل ما هو إسلامي ..علشان كده بقى واجب علينا تكوين حزب سياسي يدافع عن منهجنا وتكون كلمتنا ليها صدى وتأثير وشرعيه في الدوله وبكده نقدر نحقق أهدافناونحافظ على مرجعية الشريعه الإسلاميه وهوية مصر الإسلاميه وبالتالي نحفظ كل الحقوق علانه : طيب الكلام ده حكمه الشرعي إيه ؟ فلانة : بصي يا ستي .. الفقهاء القدامى متعرضوش لحكم تكوين الأحزاب السياسيه لأنه مكنش أمر حادث وقتها لكن الفقهاء المعاصرين اتعرضوا لحكم تكوين الأحزاب منهم اللي قال إنه جائز لأنه وسيله لتحقيق الهدف ومنهم اللي قال غير جائز إذا كان سبب في تفرقة الأمه .. لكن الراجح من آراء الفقهاء المعاصرين إنه جائز بل ومطلوب في وقت الحاجه إليه لحماية الهوية الإسلاميه وكمان لأن التفرق المفهوم عنه هو التحزب المذموم وده اللي بيكون في أصل المنهج زي مثلا الإختلاف بين السنة والشيعة وكمن إذا كان فيه تعصب للأحزاب علانه : كلام جميل أوي فلانه : واتفضلي كمان نص فتوى شيخ ياسر برهامي في الانضمام لحزب النور علانة : ما شاء الله أنا اقتنعت جدا بس هتعبك كمان شويه في شوية أسئله محتاجه توضيح فلانة : ولا تعب ولا حاجه حبيبتي ؛ نكمل كلامنا المره الجايه إن شاء الله السلام عليكم ورحمة الله وبركاته علانة : وعليكم السلام ورحمة الله وبركاته
|
|
#6
11-13-2011, 03:25 AM
|
|||
|
|||
|
ماشاء الله
بارك الله فيكِ
|
|
| الكلمات الدلالية (Tags) |
| يوميات, فلانة, وعلانة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
