|
|||||||
| ملتقى نُصح المخالفين ، ونصرة السنة لرد الشبهات ، ونصح من خالف السنة ، ونصرة منهج السلف |
 |
|
|
أدوات الموضوع | انواع عرض الموضوع |
|
|
|
#1
07-27-2010, 04:15 PM
|
||||
|
||||
اقتباس:
إيه ده يابنتي هتجيبي لي بلوة ولا إيه " إبتسامة" .. طيب نتكلم بالراحة حبيبتي .. بصي يا غالية أقول لك حاجة يمكن أول مرة أكتبها هنا ع المنتدى مش عشان خايفة ولا حاجة بس ماجتش مناسبة .. إن أ عمرو خالد كان سبب في هدايتي لما كنت في تانية أو تالتة إعدادي باين .. كان - فعل ماضي - بالنسبة لي المثل الأعظم ، أول ما أشوفه في برنامج ع التلفزيون أشهق وأقول ( عمرو خالد!!) والدتي -ربنا يحفظها- مرّة شرت لي كتاب لعمروخالد قعدت أقرأ منه 80 صفحة مرة واحدة من حبّي في الكلام اللي بيقوله ... ماكنتش أعرف يعني إيه شرايط دينية! يعني إيه إلتزام صح .. المهم يعني لما كنت أسمع كلامه كان كأنه الكلام المقدّس الصح اللي مش ممكن يكون غلط -لأني ماكنتش أعرف إن فيه حاجة إسمها أحاديث ضعيفة في الدين - ولا كنت ممكن أفكر إن ممكن شيخ أو داعية يقول حاجات غلط في الدين .. المهم كانت صاحبتي لما تقول لي أنا مش بحب عمرو خالد كنت بزعل.. وبدافع عنه بكل اللي اقدر عليه - بس بدون ضرب طبعاً "إبتسامة" - وأنا بقول لك الكلام ده وحاسة إنك ممكن تقولي (شفتوا! أهو دليل على إن ناس كتير إهتدت بسبب عمرو خالد ، وشباب وبنات كتير إهتدوا على إيديه) ماشي .. واحدة واحدة .. أولاً يا غالية أنا بس بقول لك الكلام ده عشان تعرفي أو تتخيلي أ عمرو خالد كان - فعل ماضي - بالنسبة لي إيه ! طيب عمّالة أقول كل شوية (فعل ماضي .. فعل ماضي) طب والفعل الحاضر إيه؟! الفعل الحاضر يا غالية إني اتغيرت فكرتي واتغيرت نظرتي للـ أ عمرو خالد .. إزاي! عمرو خالد كان سبب في هدايتِك وهداية شباب وبنات كتير وانتي بتقول إيه وليه إتغيرت فكرتِك عنه؟! بدون عصبية وبالراحة .. ماشي صح ..بس دي طامّة! الشباب عايزين اللي على مزاجهم .. داعية بيحلل لهم الموسيقى ، وبيقول لهم مش لازم تتحجبوا أهم حاجة الحشمة ووو .. هيبصّوا للشيوخ التانيين اللي على حق ليه! أقول لك مثال بس من باب إني أقرّب لك المعنى .. لو صاحبتك جابت لك صندوق متغلف على شكل هدية يعني وقالت لك أنا بحبك وخدي الهدية دي .. وقلتي لأهلك وللكل إن صاحبتي جابت لي هدية -فرحانة ويمكن أول مرة حد يجيب لك هدية- وأول مافتحتيها لقيتيها مش هدية ! لقيتي في الصندوق زبالة! وأهلك قعدوا يضحكوا عليكِ ويتريقوا :صاحبتها جابت لها هدية!! وإنتي زعلتي وكنتي واخدة الموضوع جد وبقت صاحبتك دي كل ماتجيب لك هدية ماتقبليش منها حاجة شاكّة في كلامها وفي هديتها .. بالضبط نفس الموضوع .. الكلام اللي بيقوله أ عمرو خالد - مش كلّه لكن أغلبه - زي اللي كان في الصندوق .. تؤتؤتؤتؤ ليه بس الغلط دلوقتي؟! أيوة .. كلام تأليف في تفسير المواضيع والآيات ..>>زبالة ويمكن أقل كمان منها لإنه كلام بيضلّ الناس ع الحق ياأختي يا حبيبتي .. والله صدقيني كلامه معسول بس عشان يجذب الناس حواليه وماتقوليش طيب هو بينصح الشباب وبيخدم الدين وبيعمل وبيعمل - زي الكلام اللي كنت بقوله - ماشي جميل لكن بطريقة غلط وعين الغلط كمان! عمرك قريتي آية في القرآن أو سمعتي حديث في السُنّة بيقول إن الموسيقى حلال! ربنا بيقول : (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ .....) و عمرو خالد يقول مش عايزك تتحجبي بس احتشمي!! هتقولي لي ده يمكن خطأ ومش كان يقصد .. ماشي كل مرة نقول خطأ ؟! لحد إمته كل حاجة يعملها نقول زلّة ويمكن تستغربي إن فيه هجوم كبير عليه .. لكن الهجوم ده كلّه لإنه بيدعي بإسم الدين لحاجات غلط .. وبرنامج مجددون اللي هو أساس الموضوع ده فيه بلاوي .. بالله عليكِ يا غالية ينفع بنت تطلع ببادي ضيق ومكياج قدام ملايين الناس بإسم إنها مجددة في الدين والدعوة الإسلامية!! هيقولوا إيه الغرب على ديننا ؟! هيقولوا علينا إيه؟ مسلمين!!! ينفع شباب مش ملتحي أساساً واللي يشوفه مش عليه سمة الإلتزام ولا الدعوة .. ناخده قدوتنا؟! ينفع نسيب كلام ربنا ونقول قال عمرو خالد نقول عمرو خالد بيقول وبيجدد وبيصلح في المجتمع .. يابنتي ده كله كلام شياطين - إنس وجن - .. بالله عليكِ مابتسمعيش عن الشيوخ السلفيين اللي هم على حق إنهم بيعملوا مشاريع لجمع الصدقات والهدوم القديمة وبيربوا الشباب على حفظ القرآن والدعوة الصح .. ولاّ إحنا يا غالية بنقفل وداننا ونسمع اللي على كيفنا بس .. أنا آسفة إني طولت عليكِ وكترت في الكلام .. لكن كلام من القلب وأتمنى إنه يوصل لقلبك وتفكري فيه والله المستعان .. وربنا يهدينا جميعاً لما يحب ويرضى
التعديل الأخير تم بواسطة الطامعة في رضا ربها ; 07-27-2010 الساعة 04:19 PM |
|
#2
08-16-2010, 04:57 AM
|
|||
|
|||
|
السلام عليكم ورحمة الله وبركاته
انا اخت جديدة بينكم.صراحة جذبني الموضوع وخاصة لكثر من يتحدث به هذه الايام.. واحببت ان اضع رأيي طبعا اذا لم يكن لديكم مانع.. في البداية مع احترامي للجميع ..لاحظت انتقادات صغيرة تلحق كبيرة على عمرو خالد ... صحيح يعتبر ما قاله عن رسولنا ووو ما ذكرتموه مأخذ عليه ..لكن لاحظت انتقادات يشيب الراس بها ... عن ما ذكرتم انه غير ملتحي ويفعل برامج مختلطة ووو ..لو اخذنا الانسان بمنظره الخارجي لاصبح الكافر مؤمن والعياذ باالله.. اعرف كثييييير من النساء المنقبات... لاحظت من خلال معاشرتي لهم .. ان الدين اخذوه من جهة واحد هي تحريم الاغاني واللبس فقــــط .. اما تأتي للقرآن او السنة_طريقة المعااااملة_ لا يفقهووووووووون شيء.. اعيد ومع احترامي للجميع لاحظت كأن لديكم صفحة بيضاء وفيها نقطة سوداء .. وتركتم بياضها وعلقتم وركزتم على النقطة ..فمثال اخذتم برنامج المجددون نسيتم هدفه وركزتم على انه مختلط او لبس النساء.. بالنسبة انه مختلط من وجهة نظري لا اجد ما يمنع ذلك طالما الهدف هو النهـــــــضة..ايضا لم يحرم الاسلام الاختلاط لاسبااااب بصراحة انا لااعتبر من مؤيديه او من الناقدين ..او اني متابعة برامجه بشكل مستميت .. لكن اقول لكل انسان ايجابيات وسلبيات بلاااااا استثناء .. حتى المشايخ مع احترامي لهم ... غير معصومين .. الاستاذ عمرو خالد مثل ما ذكرتم يوجه كلامه لفئة معينة _الشباب_ وليس لمتفقهين في الدين..مثالك انتي اختي الطامعة في رضا ربها..واختي ام مريم .._او ربما تكونو في سن امي _ لاحظت انتي وهي تقول انا لما كنت باعدادي او بالثانوي كنت متعلقة به لكـــــــن الان الوضع مختلف وماشاء الله اصبحتم ميقنين تماما ماذا يعني الدين وما هو الصح او الخطأ..والحديث الصحيح من الحديث الضعيف .. ومتعمقين به . اما انا ومثلي صراحة اقولها عندما احاول ان استمع لبعض الشيوخ ..صراااحة احيانا لا افهم ماذا يقولون ...... ليس مثل ما تقول اختي ام مريم نقص في التفقه او التركيز.انا بالاصل استمع لاني احتاج لمن يفقهني ولو كنت متفقهة لماذا اسمعهم.. .بالمعنى الادق في كل مرحلة من حياة الانسان يحتاج لشخص آخر يفهمه وينهض به .. او شخص قريب من سنه .. لاحظت عمرو خالد هدفه الاساسي هو النهضة بالامة ..وتشجيعهم وكيف يسعدون بالدنيا ...هو لم يقل انه شيخ او مفتي...هو يأخد النص بمعنى واحد _وان النص ممكن ان يأخذ عدة معاني_ وهو هدفه بمعظم برامجه اما بالنسبة لقوله عن رسولنا صلى الله عليه وسلم ..انا اصبحت احذره نوعا مااا ..ولكن اتمنى ان اجد احد الشيوخ الذي ينتقدوه يسألوه وجها لوجه لماذا يقول هذا .. ام يقول هذا بقصد او بدون قصد _الله اعلم_ .؟؟!! ماذا سيكون رده ؟!! بصراحة استمع لعمرو خالد لسبب واحد فقط هو كيف ابني مسقبلي ..وانهض ببلدي ..وليس لانه يقول احاديث ضعيفة او...لكل نقطة موضوع .. اعتذر اني خرجت عن محتوى الموضوع ..لكن نقاشكم جذبني لابوح بهذا..واتمنى ان تقبلوه بسعة صدر.. |
|
#3
08-19-2010, 04:14 AM
|
|||
|
|||
|
اختي الطامعة في رضا ربها مشكورة على تتبعك لردودي.
. في البداية لا اريد ان اطيل حديثي نظرا لضيق الوقت.. اريد ان اذكر ما تحدثت به في بداية المشاركات ..اني لا ادافع عن عمرو خالد..واني لست مؤيدة او ناقدة..ولا اتابع برامجه بشكل مستميت ....اني اوضح هدفه من برامجه ..................................... بنقطة انه ما المانع من سماع شيخ اسلوبه هادئ ..>>طبعا لا يوجد مانع..ومن قال لكي اني لا اسمع الا لعمرو خالد وان مفيش غير عمرو اسلوبه سلس وبسيط .<<لا اقول لا يوجد شيوخ بهذا الاسلوب..بالعكس الكثير منهم اسلوبه بسيط وذكرت ايضا واعيدها لاكثر من مرة انــــي استمع لـــه لسبب وااااااحد..وذكرته.انااا أأخذ كلامه من جاانب وااحد فقطط..لكن لو فكرت اني آعرف هذا حديث صحيح ام ضعيف لا أجأ له .. ........ (((لكن كما ذكرتُ لكِ شاء الله أن ألتقي بصحبة الخير المعينة))) اختي الله رزقك بصحبة صالحةيمكن كان لهم السبب في دخولك عالم الالتزام. غيرك يتمناها.! اذكر لكي .. اني حديثا جداا ابتعدت عن سماع الاغاني . معظم صديقاتي او كلهم ..قالو بأني متشددة جداا بالديـــن!! الفكرة بهذا ان الصحبة تلعب دور كبير في توجيه الشخص >>بهذا الكلام ممكن تقولي الغلط منك انك ما اخترتي الصديقااات الصاالحااات..< هذا رزق ودائما ادعو بأن يرزقني الله الصحبة المعينة. الله المستعان .......... (((ليه بتصرّي على إنه صح!))) يا اختي انا قلت لكي بأنه صح والشيوخ خطا؟؟!! يا ستيي بقوولك عمروو يقول احااديث ضعيفة ولا اقول لاااااا ...واعيدها اني آآخذ كلامه من جانب واااحد ............. بعدين ذكرت مثال يوضح الفرق بين اسلوب شخص والآآخر وليس لاوضح ان شيخ بنفر والآخر بيحبب..!! ........... (((سبحان الله ، وهو إحنا مهما قرينا هنوصل لعلم الشيوخ عشان نقول تضييع وقت؟)) عذرااا فهمتي كلامي خطأ تماماا.. ما كتبته رد على كلامك بأن العيب ليس في الشيوخ انما فينا . قلت لكي اكيييد العيب فيا اناااا ولوو ما كاان العييب فياا انا ... وانا فاهمة كل شيءء ..لماااااذا اسمع لهم واضيع وقتي. طالمااا فااهمة.. وليس بفهمك (اني اكرر سماع شيء)) ......... ((فيه فرق لما أنا بتابع عشان معجبة ومؤيدة لعمرو خالد ، وبين لما أتابع له عشان أوضّح أخطاؤه للناس )) طبعاا لاا يوجد فرق ..كلاهم ترويج للبرنامج .. برنامج المجددون ورحلة للسعادة ..لم اعرف بهم الا من خلال هذا الموضوع وموضوع اخي.. وممكن اي شخص يصبح يتابعه على حجة انه يريد ان يخرج اخطاؤه .. وبالنهاية يندمج لاسلوبه ويصبح من متابعيه ....... (عايزة أقول لك : إني بصراحة مش كنت هردّ لسببين ضيق الوقت في رمضان ، و لإن الموضوع ده إتكلم فيه شيوخ كبار ) عفوا انا لا اقول بأن كلام الشيوخ على خطأ وكلامي هو صح .. هي مجرد مشاركة توضح ما يريد عمرو ايصاله للناس ..ولأن جميع الاخخوات التي وضعو مشاركتهم يقولو العجب العجاب عن مساوئه .كما مثلت لكي كالصفحة البيضاء وفيها نقطة سوداء في النهاية شكرا على الاهتماااام بالردود ..طبعا اختي هذا يرجعلك ان تردي او لا ..>>ولا تقلقي انا لست من هذا النوع .((لكن خُفت تقولي إني مش عارفة أرد أو من الكلام ده..) عذرا انا لا اضيع وقتي...فقط احببت توضيح فكرة ان لكل انسان ميزات وعيوب..انا لاااااا ادافع عنه.ولا اقول كلامه صحيح .. الله المستعان .. ملحوظة .. الروابط التي تم وضعهم لم يفتحو معي.. يبدو هنا خطأ في وضعهم |
|
#4
08-19-2010, 04:27 AM
|
|||
|
|||
|
عفوا هنا تم اعادة الرد مرتين
|
|
#5
07-28-2010, 08:15 AM
|
|||
|
|||
|
اولاً شكراً طبعاً لسعة صدرك وأداء النصيحة بالأسلوب الجميل ده يا قمر
و كويس ان عمرو خالد كان بالنسبة لك سِلِّمة صعدتي بيها وارتقيتي الى مستوى أعلى وهو العلماء الكبار والشيوخ الأفاضل وجميل انك شايلة هذا الفضل منه وهو هدايتك ( بعد فضل ربنا طبعاً وهو الأساس ) تاني حاجة عندي بعض التعقيبات يعني لو انا مثلاُ جيتلك في فترة عدم التزامك وقولتلك صلي واقرأي قرآن واتحجبي وقومي الليل وصللي السنن كلها وصومي اتنين وخميس ولا اقولك صومي صيام سيدنا داوود عليه السلام يوم أه ويوم لأ واعملي واعملي وسوّي ، بالله عليكي مش لو شددت عليكي في الأول كده وانتي لسه معندكيش روحانيات عالية توصلك لكل ده هتنفري اصلا من الدين ولا لا ؟ طيب الكلام ده انا بقوله ليه ؟ انا دخلت على اليوتيوب وشوفت كلام عمرو خالد في مسألة الحجاب لما بيقول : مش لازم تتحجبي النهاردة بس ارجوكي لازم تلبسي حلو من النهاردة....... ( الجملة ناقصة اصلاً بس لما هتقرأي الكلام اللي جي ان شاء الله هتعرفي تكملتها ) خليكي معايا واحدة واحدة .. اولاً دي كانت محاضرة مدتها 90 دقيقة تقريباً وطول المحاضرة كان بيتكلم عن فضل الحجاب وعقوبة تاركه وهكذا المهم كان بيقدم عدة نصايح للبنات انها تتمسك بيها وأول ما جه على مسألة الحجاب ( ودي الجملة المقصوصة من المحاضرة ) قال : انا مش عايز أحط عليكوا لود (load ) زيادة وان كان يااااريـــــت اللي جاهزة تتوكل على الله ، لكن اللي هقدر اقولهولكوا ابدأي الخمسة دووول وبعدين ذكر بنت من اسكندرية كان لبسها وحش اوى اوى وقال يا بنات انتي ممكن تكوني مش محجبة لكن اوعي تكوني بتلبسي وحش اوي لأن غضب ربنا انك مش محجبة يختلف تماماً على غضبه انك بتلبسي وحش وقال حديث الرسول صلى الله عليه وسلم :"صنفان من أمتى لا يدخلون الجنه ولا يشمون رائحتها وان رائحة الجنه لتشم من مسيرة خمسمائة عام ، ( وبعدين قعد يشرح في النقطة دي وقال ان في صنفين هيدخلوا الجنة متأخر أوي أوي أوي وان مش معناها انهم مش داخلين لكن هيدخلوا متأخر اوي اوي اوي ومش هيشموا ريحتها ) وبعدين قال طيب مين الصنفين دول ؟ قال الصنف الثاني (الخاص بالمحاضرة): " نساء كاسيات عاريات (( قال : احنا مش بنتكلم على اللي مش محجبات ، في مش محجبة بس محافظة على نفسها أرجوكي خليكي منها لأن النوع الثاني هو ده المقصود وهتتأخر أوي )) مائلات مميلات (( بتوقع شباب )) رءوسهن كأسنمة البخت المائلة " وقال بصوا النبي بيقول ايه ، الكلام ده يخوف يا جماعة ، وقال انا مش عايزك تتحجبي بس ارجوكي البسي كويس ثم أعاد مرة اخرى قول النبي صلى الله عليه وسلم " لا يدخلون الجنة ولا يشمون رائحتها وان رائحة الجنه لتشم من مسيرة خمسمائة عام " وقال مش لازم تتحجبي النهاردة بس ارجوكي لازم تلبسي حلو من النهاردة عشان مفيش داعي تبقي من اصحاب الحديث ده انتي فهمتي يا قمر الفئة المخاطبة هي ايه ؟ بيكلم بنات تقريباً مش ملتزمين بالمرة .. والموضوع باختصار قدملهم عدة نصايح وفي الآخر قال مش عايز اتقل عليكوا او احملكوا فوق طاقتكوا لكن ابدأي بالخمسة دول وبعدين هو شايف انها مش محجبة وعايز يعدّل على الاقل من طريقة لبسها كبداية ومع انه في اول المقطع قال يااااريت اللي جاهزة تتوكل على الله ( وفعلاً في ناسي كتير ومن ضمنهم واحدة صحبتي قالتلي انا عندي في البيت موافقين على النقاب بس انا حالياً معنديش روحانيات عالية وحاسة اني لو لبست النقاب هقلعه ((وده معنى كلمة جاهزة او مش جاهزة))) ده بالظبط اللي هو عايز يوصله وهو عشان بيتكلم بعفوية زايدة وعشان بيتكلم بلغة الشباب علشان يقدر يوصلهم الناس هاجمتوا حاجة تالتة يا قمر مش معنى ان في واحد مش ملتحي يبقي خلاص نحكم عليه انه مش كويس ولا نبص للملتحي ونحكم عليه من ظاهره انه هو ده التمام علشان ده مش مقياس يا جميل وربنا الأعلم بالنوايا والبواطن واللي في النفوس ولا ايه رأيك ؟ ومش احنا ( مهما روحنا او جينا احنا عباد والله أعلم احنا عباد ولا عبيد عند ربنا ) اللي هنحكم على الناااااااااااااااس لأن ربنا هو الحَكَــــــم حاجة رابعة يا قمر انتي قولتيلي ( ينفع نسيب كلام ربنا ونقول قال عمرو خالد ) يا بنتي احنا مسبناش كلام ربنا ولو كنا هنفهم كلام ربنا من دماغنا يبقى لازمة الدعاة او العلماء ايه ؟ منا ممكن اقولك يبقى محدش يتكلم في الدين خالص ما كلام ربنا موجود .. بس المقصود يا قمر مين اللي هيفهمنا الكلام ده .. هتقوليلي مش عمرو خالد اللي هيفهمنا كلام ربنا وهو بيضل الناس والشباب بتسمعه عشان عايزة اللي على هواها والكلام ده .. بصي يا قمر الآية اللي بتقولك "وما أرسلنا من رسول إلا بلسان قومـه ليبيّــن لهم " هو ده فعلاً اللي لمسناه في عمرو خالد هو محدد الفئة المخاطبة اللي هي الشباب فبيتكلم بلغة بسيطة وعفوية يوصل بيها الدين للشباب ( زي ما قولتلك كده سِلِّمة نصعد بيها لحد ما نرتقي للأحسن ) يعني هضربلك مثال احنا مثلاً او اى حد عموماً لما هنيجي نكلم طفل صغير تفتكري ممكن نكلمه كلام كبار ميفهموش ؟ ولا لازم ننزل بعقلنا ويبقى زي الطفل وممكن نعملله اراجوز كمان عشان الطفل يتجاوب معانا .. صح ؟ هو ده اللي انا اقصده ، ان انجذاب الشباب لعمرو خالد مش عشان هواهم انما عشان بيقدملهم الدين بطريقة مبسطة وانا واحدة من الناس اللي بسمع فئات كتيرة من الشيوخ وسبحان الله اصلاً مش بسمع كتير لعمرو خالد يعني هو برنامجين او تلاتة اللي تابعتهم لكن في ناس تانية وعلماء كبار الحمد لله بفضل الله بسمعلهم والشيخ محمد حسان صاحب مسجد عندنا في المنصورة ومعهد اعداد الدعاة وكنت ممكن اخرج من المعهد واقولك ان الناس كلها بتقول على المعهد ده بالذات انه متشدد جداً وفي معاهد تانية متساهلة في بعض الأمور مش عندنا ومع ذلك الحمد لله مكملة عادي بفضل الله وحده فالموضوع مش موضوع بنسمع اللي على كيفنا او بنمشي على هوانا ( وان كان في ناس كده ) لكن نعوذ بالله ان نكون منهم ، وعايزة اقولك ان عندي واحدة صاحبتي وأنا زيها بالظبط وبدون ذكر اسم الشيخ بس هو بيعطي درس كل خميس في مسجد معين وله جماهيريه كبيرة جداً ولكن حضرناله كذا مرة ووالله يا بنتي كنا بنخرج مش فاهمين حاجة ومعدناش بنحضر ويمكن لو عرفتيه تستغربي اما موضوع الموسيقى حلال فأنا دورت على اليوتيوب ملقيتش غير مقطعين والاتنين عمرو خالد بيقدم فيهم اتنين منشدين وأنشدوا بالموسيقى لكن ما شوفتش عمرو خالد بيفتي ويقول المعازف حلال يا جماعة ، هتقوليلي اومال لما الناس تشوف الكلام ده هيفهموا ايه ؟ هقولك الله أعلم اصلاً دي مسألة فقهية والبعض يقول انها حرام بالاجماع والبعض يقول انها اصلاً مسألة خلافية والموضوع اصلا فيه فتوى فمش احنا اللي هنتكلم فيه لمشاهدة المقطع نكمل بعدين ان شاء الله عشان تعبت الله المستعان |
|
#6
07-28-2010, 10:35 AM
|
|||
|
|||
|
لا حول ولا قوة إلا بالله
اللهم إني أسألك بأسمائك وصفاتك العلى أن ترينا الحق حقاُ وترزقنا إتباعه وترينا الباطل باطلاً وترزقنا اجتنابه سؤال لأختنا هبه الله هل كل الشرح المسهب الطويل وتنفيد المقاصد والدفاع عن الأستاذ عمرو قد خفيّ عن كل العلماء والمشائخ الأفاضل الذين قد ناصحوه وردوا على كل اخطائه؟؟ وأنتِ وغيرك من الأخوات وقليل من الإخوة قد وصلتم لهذه الحقيقة وحدكم؟؟ سؤال وأرجو ان تفكري به في هدوء هل كل أؤلائك العلماءالأجلاء اجتمعوا على مهاجمته هكذا ؟؟ وكأنه ثأر بينهم وبينه؟؟ وكلهم بلا استثناء لم يسعفهم علمهم وقريحتهم على فهم منهجهم ومعرفة الشريحة المخاطبة ؟؟ يا أختي تمهلي وفكري قليلاً ولا يغرنك كثرة الهالكين !! هذا دين ولنا في رسول الله أسوة حسنة يا أختي التدرج هذا كان للكافرين حتى يسلموا وحديثي العهد بالإسلام وليس للمسلمين أصلاً إذ بالله عليك كيف تفسرين التزام من يدخلون في دين الإسلام من الغرب وترينهم في الحال بنقاب ولحية وصيام وقيام ؟؟ روحي اتفرجي على محاضرات الشيخ العلامة المحدث الحويني وشوفي المسلمين في أوروبا كيف قابضين على جمرة نار لحية وقميص ولا إسبال ولا باديهات ولا جينزات ساقطة حتى تبدو ملابسهم الداخلية !! وهم يعيشون وسط العنصرية وقوانين تكبل أيديهم حتى يتنازلوا عن دينهم ونحن نريد من يطبطب على شباب يريد الدين على كيف كيفه بالله عليكم كيف تحكمون!! وماذا تقولين يا أختنا في مرافعة جديدة في كلامه عن رسولنا الكريم صلوات ربي وسلامه عليه وقد تجرأ وقال أنه فشل في 27 محاولة ؟؟؟؟؟؟ فشل ؟؟؟؟ الذي لا ينطق عن الهوى إن هوى إلا وحي يوحى؟؟ ومرة تانية / النبي الحكيم الرحيم أول ما يقابل الستات أول ما يقابل الستات يقول لهم أنتم ناقصات عقل ودين؟! يوم العيد اللى هو يوم الفرحة! أنا عايز أقول لكم إن الموضوع مش ماشي!!!.. يوم العيد اللي هو يوم الفرحة يوم العيد اللي النبي صلى الله عليه وسلم الستات طلعوا جزاهم الله خيرا حضروا صلاة العيد...والنبي...الحكمة...والرحمة...يقابلهم يقول لهم انتو ناقصات عقل ودين؟! مش ممكن يكون المفهوم دة!!! مش يمكن كان بيهزر معاهم؟!؟!؟! تكذيب صارح للأحاديث؟؟؟؟ ومرة /يقول عمرو خالد مين أول واحد عمل فنان تشكيلي؟؟ النبي رسم لوحة تشكيلية وموجودة في صحيح البخاري بس محدش بيقول الكلام ده محدش فاهمها ومرة / إبليس ما كفرش!! يقول رب العزة وَإِذْ قُلْنَا لِلْمَلائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ وهو يقول( ما كفرش ) ومرة / أصل ربنا كان عايز يمرمط سيدنا موسى ؟؟؟؟ وطبعا سنجد فريق من المدافعات والمحاميات المستشاريات يتبارين حتى يثبتوا أنه كالعادة لا يقصد الكلمة بالحرف ونسمع يا جماعة انتوا فهمتوه غلط ده أصله يقصد كذا وكذا يا سبحان الله يا سبحان الله شيء غريب!!! هذا دين والله دين !! انظروا عن من تأخذوا دينكم بالله عليكم كيف تحكمون وكل هذا فات على علماؤنا ولم يفهوا لا نيته ولا مقصده ولا عرفوا السر الرهيب أنه يخاطب فئة معينة كلهم جميعا لم يستطيعوا ان يصلوا إليهم وفقط الأخ الأستاذ هو من وصل إليهم ومازال ..؟؟؟ يا أختي والله أني أحبك في الله لأنك مسلمة وحق عليّ أن أبصرك لا تنصبي نفسك للدفاع عن من اجتمع جمع من العلماء المشهود لهم في العالم الاسلامي بأجمعه بمراجعته ونصحه وهو لازال ولم يزل يصرعلى ما قال ولم يتراجع ولم يصحح منهجه والرجوع للحق والإعتذار والتصحيح دأب الدعاة السائرين على الجادة ***** وأرجوكي بالله عليك راجعي الرابط ده يمكن ما تكوني قرأتي كل الشبهات عنه http://www.hor3en.com/vb/showthread....876#post356876 أقول قولي هذا واستغفر الله لي ولكم
|
|
#7
07-28-2010, 06:07 PM
|
|||
|
|||
|
أختي هبه
هذه هدية لكِ يا أختي تأملي بها جيداً وأريد جملة مفيدة منك ما هو رأيك يا أختاه يا من ولدتي مسلمة وكذلك الأخوات الآتي يتحايل عليهم عمرو خالد وغيره حتى تحتشم !! تحتشم ؟؟ إرحمنا يارب !! http://www.mashahd.net/view_video.ph...c64056a6124e6f ** مرة سمعت الشيخ أبا إسحاق الحويني حفظه الله معلقاً على مسألة أن فلان وصل لعدد من الشباب بهذا الأسلوب المائع المتيمع للدين قال :- قال الله تعالى لَيْسَ عَلَيْكَ هُدَاهُمْ وَلَكِنَّ اللَّهَ يَهْدِي مَنْ يَشَاءُ الشاهد يا أختاه مما ذكرته من كلام الشيخ الحويني هو يتبين أننا غير مكلفين بإجبار الناس على الهداية والدخول في الإسلام فليس في مقدورنا ذلك، بل الله يهدي من يشاء. أما نحن فندعو للإسلام ونأمر بالمعروف وننهى عن المنكر فإن استجابوا فذلك الفضل من الله، فالله وحده القادر على هداية الناس أجمعين (وَلَوْ شِئْنَا لَآتَيْنَا كُلَّ نَفْسٍ هُدَاهَا) السجدة/آية13. نأمر بما أمرنا به الله تعالى على مراد الله تعالى نأمر بما أمرنا به رسول الله صلى الله عليه وسلم كما أمره الله سبحانه وتعالى وليس باسلوب زيد وعبيد يا أختاه إذهبي واسمعي كل ترهات الأخ وبالمناسبة هناك جزء نسيت أن أعقب عليه من حديثك وأرجو أن لا تغضبي مني اقتباس:
والذين جاهدوا فينا لنهديهم سبلنا ... المدرس يدخل الفصل نقول 70 % فهموا الشرح وال30 لم تفهم هل نحكم على الأستاذ بالفشل ؟؟ أم نحكم على ال30 % بعدم الإنتباه أو الرغي في الفصل أو تأخرهم الدراسي أو في أحسن الأحوال لم يكن الشرح على مزاجهم ولا يحبون هذه المادة المشروحة سبحان الله كيف تحكمون وتلقون الإتهامات على المشائخ فقط لأنهم لا يجيدون الحكاوي على الفضائيات ربنا يهدينا ويهديكم آمين
|
|
#8
07-29-2010, 02:19 AM
|
|||
|
|||
|
جزاكم الله خيرا اخواتي الفاضلات
ـــــــــــــــــــــــ اللهم ردنا اليك ردا جميلا واجري الحق على لساننا ـــــــــــــــــــــــــــــــــــــــــــــــ باركَ الله فيكم اشكركم على المـــــــــــــــــــرور العــطر ــــــــــــــــــــــــــــــــــــــــــــــــــ ــــــــــــــــــــــــــــ   |
|
#9
07-29-2010, 08:41 AM
|
|||
|
|||
|
اقتباس:
حبيبتي مش كل العلماء أجمعوا على كلام عمرو خالد انه زي ما انتوا متصورينه وأخالفك في نقطة ( بلا استثناء ) عمرو خالد له قادحين وله مادحين ولو عايزة تعرفي الفئتين ياريت تقرأي الكتاب ده اضغط هنا آدي اجابتي على سؤالك يا قمر وان شاء الله احاول اكمل الكلام بعدين |
|
#10
07-29-2010, 11:24 AM
|
|||
|
|||
|
ياريت الاخت هبة الله تلتزم انها لا تنادي اي من الاخوات بغير لقبها نظرا لاتقاء الفتنة لان هناك من الرجال يشاهدون الموضوع
اسال الله ان يهدينا واياكم الي الحق واتن يثبتنا |
|
| الكلمات الدلالية (Tags) |
| عمرو ، اتق |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض المتطور
