ما تاخدش فى بالك ـ مراسلنا تايه ـ

[الشافعى الصغير]

 

ما تاخدش فى بالك
كتب على سلامة

الدنيا مش دايما طيبة..
وتعمل إيه
يا اللى انت دموعك قريبة..
ويا ترى دى ميزة
وللا ده عيب
تمد إيدك ف جيب القميص..
تطلع الورقة اللى فيها
اسم الدوا..
الرطوبة عالية
شربت كتير
لكن قلبى عمره ما ارتوى..
كام أجزخانة..
والإجابة
نفس الإجابة
مفيش
الدوا ده ناقص
يمكن ييجى كمان شهر
وجايز مايجيش خالص
اسأل قدام
انت عارف الدوا ده بكام
سألت ودورت ولفيت..
تعبت..
ولاقيتنى قريب من هنا
قلت أعدى
بس ياريتنى ما عديت..
شفتك..
حد شبه صاحبى
لكن مش هو
التانى كان أصغر منك بكتير..
وأجمل منك بكتير..
شربت قهوة وميه وعصير
بطعم الحيرة اللى ف شارع
القصر العينى
وتعب عسكرى واقف خدمة
ف عز حر أغسطس
ف قلب ميدان التحرير
ونزلت أدور من تانى
عن صاحبى اللى بجد..
واسأل ع الدوا
وأسمع نفس الرد..
مفيش..
ناقص..
وجايز مايجيش خالص..

[*جويرية*]

شربت قهوة وميه وعصير
بطعم الحيرة اللى ف شارع
بطعم الحرمان والقسوة والظلم والبلاء