الملتقى الشرعي العام ما لا يندرج تحت الأقسام الشرعية الأخرى |
|
أدوات الموضوع | انواع عرض الموضوع |
#1
|
|||
|
|||
جدول الدورى ـ مراسلنا ف الدرجة التالتة ـ
جدول الدورى
كتب على سلامة رميت دماغى ع المخدة ورغم التعب ماعرفتش أنام.. فتحت الجورنال أتسلى اتخبط ف جدول الدورى العام.. لقيته شبهنا.. وبنفس الترتيب ونفس الأرقام.. فريق ع القمة متربع وبيبرطع لوحده قدام.. وهيصة وزيطة وهتيفة وإعلام.. يشترى ويبيع لا حد يسأله منين ولا إزاى ولا بكام.. وف إيده كل مفاتيح السعادة والأحلام والقضايا و المحاكم و دفاترالشهر العقارى والمواليد والوفيات وجداول الانتخابات وأرقام جلوس التلامذة وهو البطل الوحيد فى جميع الأفلام.. وفريق فى المنطقة الدافية.. يادوب يعدى بالعافية.. ولو نجح فى العربى يسقط تاريخ وجغرافيا.. عنده شقة تمليك فى مدينة نصر كرانيش ف السقف وأرضيات رخام.. ويصحى يصلى الجمعة ويتغدا ملوخية وباقى الفرق تقريبا بتلعب حافية.. لا حارس مرمى ولا دفاع ولا هجوم وتنام وتقوم خايفة.. وساكنة ف حتة فى مدينة السلام.. و مفيش طبعا ف السقف كرانيش ده يا دوب نص جير ونص كسر قشانى من سوق الإمام.. وساعات تعيش فى خيمة إيواء.. وتعمل م النكتة لقمة وغطا وفرشة.. وعندها بنت دبلوم تجارة وعيل صغير صبى ميكانيكى ف ورشة.. وبتكافح من أجل البقاء.. تسمع من بعيد وتتفرج ع الدنيا فى مراية الحلاق ومطلوب منها فى نهاية كل موسم تشكر الأمن وتهتف للبطل وتسقف للحكام.. |
#2
|
|||
|
|||
إنّـا لله وانّا إليه راجعون
شجعَ الكورة..وشجع السينما..وشجعَ الفن أمـة بعدما تركت معالي الأمور وانشغلن بسفسافها زلّت
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|