عبده النقاش ـ مراسلنا بالألوان ـ

[الشافعى الصغير]

 

عبده النقاش

كتب على سلامة
قلت أجيب نقاش
نغير شكل الحياة..
مصمص شفايفك بقى
وارسم علامة تعجب
وسمعنى أحلى.. ياه
يااااااااه..
الراجل ده عاش
على أد ما عاش
بعين شمال بتشوف طشاش
وعين يمين ضعيفة..
عبده توفيق النقاش..
واسم الشهرة تيفه..
كلنا عارفين أن الحالة ف مصر
مش أد كده
يعنى بالفرنساوي
مش لطيفة..
لكن ما بنحبش نقولها
ولا نسمعها على بلاطة
انزل يا تيفه بالأزرق النيلة
درجتين تلاتة
لحد أول درجات الكرنبى
وخلّى إيدك خفيفة..
وخش ع الطرقة بالبصلى
أو العسلى من غير طحينة..
وخلينا نغنى من تانى
يا ناعمة زى الحرير يا بلدنا
يا حنينة زى القطيفة..
مخمخ يا تيفة مخمخ
وانقلنا بقى لمرحلة
البمبة المسخسخ
وكفاية خنقة وتكتيفة..
وادخل على أوضتى
بأول درجات البطيخ الأقرع
نفسى أحس إن قلبى شغال
والشمس لسه بتطلع
والدنيا طيبة ومش سخيفة..
وإوعى تنسى..
السقف لون..
والكرانيش لون..
عشان نكسر الملل..
مش جايز ف يوم يتولد أمل..
رغم كل الكوابيس المخيفة..

[سهير محمود*]

جميل جدا. جزاك الله خيرا

[سعيد عناني]

بارك الله فيك

[أم الزبير محمد الحسين]

جزاكم الله خيراً