جئتكم اليوم بكنوز من الحسنات و الصدقات الجارية بإذن الله تعالى
و بجد نفسى كل الاخوات يشتركوا معانا فى الثواب الكبير دة
عايزين بأه نعمل حاجة لدينا و كفاية اللى ضاع من عمرنا
انا بكتبلكم الموضوع دة بعد ما سمعت درس الدكتور حازم شومان (( الطريق الى الله)) و يا ريت تسمعوه عشان تحسوا باللى انا حساه دلوقتى
هتلاقوا الدرس هنا فى المنتدى فى قسم دروس الدكتور حازم شومان
عشان ما اطولش عليكم عايزة اشرحلكم فكرة المشروع
اولا : هتتقسم اسرة حور الجنة الى 3 لجان:
1) لجنة فارسات الدعوة
2) لجنة المبدعات
3) اللجنة الاعلامية
مهمة كل لجنة:
1) مهمة لجنة فارسات الدعوة:
هختار موضوع معين و المطلوب منك انكم تجيبوا افضل معلومات عن الموضوع دة و فتاوى وقصص...و هنختار منها افضلها .. و مش شرط يكون الموضوع طويل .. لا بالعكس يفضل لو كان قصير... مع وضع الرابط من المكان اللى نقلتم منه المواضيع ... و لا يتم نقل المواضيع غير من المنتديات الاسلامية السلفية فقط
2) مهمة لجنة المبدعات:
هى تصميم بطاقات مناسبة للموضوع اللى اخترته .. و هنختار مع بعض الجمل اللى هتتحط فى التصميم ... و طبعا سيذكر اسم المنتدى فى التصميم
3) مهمة اللجنة الاعلامية :
و هى مسؤله عن نشر الموضوع فى المنتديات الاخرى و متابعة الموضوع لاعطائنا تقارير عن ( عدد الزوار ) و (عدد الردود ) للموضوع
على فكرة الفكرة دى مقتبسة
يا رب تكون الفكرة وضحت
و احب اقولكم ان من حق كل اخت انها تشارك فى اكتر من لجنة
يلا يا بنات و يا مدامات و رونى همتكم فى الدعوة
بالنسبة لموضوع حملتنا هيكون عن
((( الأمومة والأبوة )))
كيف تصبحين أما فاضلة
وكيف تصبح أبا فاضل
وطرق العناية بالطفل وتغذيته بدنيا وعقليا
وكيف تستطيع الام والاب التعامل مع الابناء فى سن المراهقة والجامعة
يلا ورونى الهمة و عرفوا الناس كلها اننا لينا دور فى نصرة دينا
و اننا مش مسلمين اسما فقط
كل أخت تختار الفريق إللى تحب تشارك فيه وتعرفنا هنا وستقوم الحبيبة أم عمار بعمل التوقيعات
( الموضوع هنا خاص فقط بالتوقيعات الى هتعملها أم عمار وبأسماء الأخوات الى هتشارك معانا )
جزاكن الله خيرا اخواتى الحبيبات وفى انتظار الهمم العالية باذن الله ام حبيبة يا حبيبة لم افتح موضوع للملفات فارجو ان تقومى بفتحة وان تضعى الرابط هنا فى اول مشاركة جزاكى ربى الجنة
((الحملــــة الثالثــــة للداعيــــات )) ___ ساااارعى بالاشترااااك معنااااااا
الله المستعان
العرض العادي
