مهم جدا جدا لكل ملتزم

[صاحبة القلادة]

 

بسم الله والصلاة والسلام على رسول الله ثم أما بعد..
فهذا حديث يخص الملتزمين عن غيرهم ..
أفتكر زمان قبل الألتزام كانت البنات الملتزمة بتعملني كويس قوي .. وازيك يا قمر .. ووحشاني .. وتشوفني تبتسم في وجهي.. وكانت النصيحة بكل لطف .. وصبروا عليا كتير .. وكانوا محسسني انهم مش متكبرين عليا .. ودي كانت أحد اسباب التزامي .. أما الأن .. فبئت النصيحة (بتكشير) وأكني ملاك .. مينفعش أغلط .. انا عارفة انهم بيحبوني و خايفين عليا .. واني خلاص مبئتش زي الأول .. وبقيت مسئولة عن نفسي .. وعارفة الصح من الغلط .. بس ليه ميعملونيش زي الأول .. ليه بقت نصيحة المحجبة الملتزمة للمحجبة المتساهلة (اخلعيه أحسن) ليه بشوف بعض الملتزمات بتحكي للغير ملتزمات عن واحده منتقبة لابسة عباءة ضيقة وراسمة عنيها وكذا .. وكذا.. بدعوى(الحق يتقال) ايه اللي وصلنا لاننا نقول (صحيح في بنات مش محجبات بس محترمين أكتر من المحجبات) ايه اللي يخلي واحد ملتزم يقول (مش باللحية ولا بتقصير الثياب) ايه اللي يخلي ملتزمة تسمع كلام غير الملتزمان وهما بيغتابوا اختها.. وليه الملتزم دلوئتي هو اللي بئا ينكت على الشيوخ ..,بدعوى ( مش عاوزين ننفرالناس من الدين) .. عوزين نبين لهم اننا free .. وان الملتزم زي غيره .. ,انا ليه بقول الكلام ده ؟؟! مش بس بدافع عن نفسي .. ومش بس بدافع عن كل الملتزمين .. بس ده دين .. حتى لو في متبرجه أحسن من محجبة بأدبها.. بس عمرهم ما هيتساوا .. دي واحده لبست زي زوجات النبي .. ودي واحده قلدت غير الصالحات .. دي واحده طول ماهي ماشيه في الشارع بتدعوا إلى الله بنقابها .. أو قاعده في البيت بقرارها .. ودي واحده طول ماهي ماشية في الشارع بتشيل وزر كل واحد بيشفها وكل واحده بتقلدها .. دي واحده نفزت امر ربها ولو في شي واحد .. ودي واحده خافت من الناس ليقولو مش محترمة ومخفتش من ربنا يغضب عليها .. ده واحد التزم بسنة النبي .. وده واحد لسه خايف ليقولو عليه سيدنا الشيخ .. ده واحد خاف من ربه .. وده واحد لسه بيفكر في كلام الناس .. ده واحد قال حياتي كلها لله .. وده واحد قال ساعة لقلبك وساعة لربك .. , يعني لو غير الملتزمين غلطوا بنقول ربنا يهديهم .. ولو ملتزم غلط بنضرب كف بكف , انا مش قصدي نتعامل مع غير الماتزمين بشده وعنف .. بس بردوا نتعامل مع بعض بحب .. ونفتكر دائما قول الله (أذلة على المؤمنين) .. طبعا مش دي صورة كل الملتزمين .. لاكن دول أشخاص قليلة جدا .. ولاكن احنا مش عاوزين يبقى بيننا غير الحب لله .. ونري كل الناس اننا يد واحده .. واننا بنغضب لبعض .. وبنفرح لبعض .. ومنسمحش لحد يجيب في سيرة اخوننا

[^ــ^ مبدع ^ــ^]

أشكرك الأخت الفاضلة على هذا الموضوع واسمحي لي أن أضيف رأيي ..

من المعلوم بالطبع أننا كبشر لا نحكم على قلوب الناس وبواطنهم فهذا لله

وإنما ظاهر الأمور قد تساعدك ( ليس بالحكم ) وإنما بأخذ انطباع أولي عن الشخص وفكره

ومن هنا أصل إلى أن من اتصف بالالتزام الذي لامس قلبه لا مظهره فحسب هو من تجديه حسن الخلق والتعامل مع كل البشر

ولنا في خير البشر صلى الله عليه وسلم خير قدوة في هذا

فقد تعامل مع كل أصناف وأشكال الناس بسماحة الإسلام التي أوصلته إلى قوله تعالى ( وإنك لعلى خلق عظيم )

أتمنى أن تكون فكرتي قد وضحت وأعتذر عن الإطالة

جزيت ِ الجنة

[صاحبة القلادة]

وجزيتموها, المقصود زي ما حضرتك قلت ان احنا كمان لازم زي ما قلبنا كويس يبان على شكلنا انوا كويس .. مش علشان الناس .. ولاكن علشانن النبي عليه الصلاة والسلام كان كده .. هو الهدف ايه في الآخر؟؟! .. اننا نحشر معاه .. يبئى على قدر المستطاع نكون زيه .. الناس كلها دلوئتي عارفه ان الخلق الحسن حاجة جميله.. بس كتير بيفتكره كفايه لوحده ..

[طالبة الفردوس السلفية]

كلمات طيبه من قلم راااائع
ودعوة صادقه من اقلب صادق

اشكرك على ما قدمتى
وبارك الله فكيى

[صاحبة القلادة]

ربنا يكرمك أختي ويجمعنا في الفردوس .. انتي جميله أوي .. وان شاء الله نتقابل في الروضة في مواضيع كتير

[أم الزبير محمد الحسين]

بس ليه ميعملونيش زي الأول .. ليه بقت نصيحة المحجبة الملتزمة للمحجبة المتساهلة (اخلعيه أحسن) ليه بشوف بعض الملتزمات بتحكي للغير ملتزمات عن واحده منتقبة لابسة عباءة ضيقة وراسمة عنيها وكذا

صدقتِ يا حبيبة أحيانا تكون الكلمات أقوى من الخنجر وأكثر عمقا فعندما تتحدثين بأسلوب جاف وقاس وأحيانا بكتبر تنفرين من حولكِ وقد تحمل فكرة سيئة على كل كل الملتزمين رغم أنها جزء من الكل والله المستعان
ولكن والحمد لله عدد الملتزمين قد زاد وإن كان القلب لازال يعتريه نوع من الغبار أو الكبراياء لكن يبقى الملتزم هو الملتزم مهما كانت أخطاءه هوملتزم وهو أحسن من غيره على الأقل هو يحاول أن يحسن خلقه ويطبق سنة الرسول صلى عليه وسلم وغيره ماذا فعلو يعلقون ويترصدون أخطاءه ليرموه بالسبابة ؟
سبحان الله

[صاحبة القلادة]

أولا شكرا كتير على مرورك يا حبيه .. وتعليقا على..

لكن يبقى الملتزم هو الملتزم مهما كانت أخطاءه هوملتزم وهو أحسن من غيره على الأقل هو يحاول أن يحسن خلقه ويطبق سنة الرسول صلى عليه وسلم وغيره ماذا فعلو يعلقون ويترصدون أخطاءه ليرموه بالسبابة ؟

أصبتي أختي هو ده اللي عوزه اوصله .. وبشوف بنفسي غير ملتزمين بيشيروا إلى نقطة (اذا كانت منتقبة وبتقول كده على اللي زيها .. امال احنا نقول إيه) وفي كلمة محبش ابدا اسمعها من اخ أو أخت .. (حرية شخصية) طبعا كلنا عارفين متى تقال هذه الكلمة..